Лінкі ўнівэрсальнага доступу

У Беларусі яшчэ плюс 751 — напярэдадні суботніку, а ў Чэхіі ўжо адмянілі карантын. Вынікі 24 красавіка


Польскі гуманітарны груз прывезьлі ў Горадню. Рэшта грузу даехала ў Менск і Воранава ў той самы дзень, 24 красавіка

Мы сабралі для вас навіны зь Беларусі і сьвету, датычныя каранавірусу, за 24 красавіка.

Каранавірус у Беларусі і ў сьвеце. Як разьвіваюцца падзеі >>

  • Памерлі 63. У Беларусі выявілі 8773 хворых на COVID-19, плюс 751 за дзень
  • Лукашэнка не захацеў атрымаць дапамогу Літвы супраць каранавірусу
  • Беларусаў прымушаюць працаваць на суботніку падчас каранавірусу
  • Міністэрства здароўя ўпершыню публічна выказала спачуваньне сем’ям памерлых ад каранавірусу
  • Баранавічы адгароджваюцца пастамі ДАІ: з тэмпэратурай у горад ня пусьцяць
  • Сьвята-Елізавецінскі жаночы манастыр: 2 маюць COVID-19, 2 чакаюць вынікаў аналізаў, 5 клірыкаў на бальнічным
  • Шэсьць грузавікоў гуманітарнай дапамогі беларускім мэдыкам прыехалі з Польшчы як падарунак ад польскага ўраду беларускаму.
  • У Беларусі хворым на каранавірус пачалі пераліваць плязму.
  • На Рамазан беларускія мусульмане будуць маліцца дома, мячэці закрылі
  • Міністар адукацыі заявіў, што зьменаў у кампанію паступленьня ў ВНУ не плянуецца
  • У Вялікай Брытаніі група Оксфардзкага ўнівэрсытэту пачала на добраахвотніках клінічныя выпрабаваньні вакцыны ад каранавірусу.
  • У Чэхіі зьнялі агульнанацыянальны карантын. Жыхары краіны з 24 красавіка зноў змогуць вольна перамяшчацца па Чэхіі і выяжджаць за мяжу.
  • Зьявілася новая справаздача аб «фэйкавых навінах» пра каранавірус у Эўразьвязе

Што трэба ведаць пра новы каранавірус, які выклікае COVID-19

  • УЖЫВУЮ Каранавірус у Беларусі і ў сьвеце. Як разьвіваюцца падзеі
  • Невядомы раней вірус выявілі ў кітайскім горадзе Ўхань у сьнежні 2019 году.
  • Афіцыйнай назвай хваробы ад новага каранавірусу з Кітаю стала COVID-19 (coronavirus disease).
  • Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
  • Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.

  • Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
  • Проста чханьне — не сымптом каранавірусу.
  • Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг. ​


Найважнейшыя пытаньні і адказы пра каранавірус

Як зьмяняецца колькасьць хворых у Беларусі і суседніх краінах. Толькі графікі

Беларускія мэдыкі, якія загінулі падчас пандэміі COVID-19. СЬПІС ПАМЯЦІ

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG