Лінкі ўнівэрсальнага доступу

Амбасада ЗША ў Менску ўшанавала ахвяр Галакосту. Сёньня дзень іх памяці


Мэмарыяльны комплекс «Яма» ў Менску, архіўнае фота.

Часовая павераная ў справах ЗША ў Беларусі Джэніфэр Мур 21 красавіка ўсклала кветкі да помніка ў менскім мэмарыяле «Яма».

21 красавіка ў Беларусі і сьвеце адзначаецца Дзень катастрофы і гераізму эўрапейскага яўрэйства.​

«У той час, калі мы знаходзімся ў сацыяльнай ізаляцыі, мы не павінны забываць сотні тысяч беларускіх габрэяў, якія страцілі жыцьцё; тых, хто выжыў; і многіх беларускіх праведнікаў, якія рызыкавалі жыцьцём, каб выратаваць суседзяў», — адзначыла Мур на Facebook.​

Яна запрасіла ахвочых далучыцца да віртуальнага ўшанаваньня памяці на старонцы Мэмарыяльнага музэю галакосту ЗША на Facebook. Трансьляцыя там пачнецца 21 красавіка ў 18.00 паводле менскага часу.


Акрамя таго, ад 17.00 21 красавіка службу памяці будзе весьці на Facebook рабін рэлігійнага аб’яднаньня грамадаў прагрэсіўнага юдаізму Рыгор Абрамовіч.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG