Лінкі ўнівэрсальнага доступу

У Казахстане затрымалі больш за сотню пратэстоўцаў


Затрыманьне на плошчы Астана у Алматы, 22 лютага 2020 году

Звыш сотні чалавек затрымалі днём 22 лютага ў шэрагу гарадоў Казахстану.

Мітынгі ў гэты дзень плянавалі дзьве апазыцыйныя структуры: рух «Дэмакратычны выбар Казахстану» (прызнаны казахскімі ўладамі «экстрэмісцкім», але названы Эўрапарлямэнтам «мірным апазыцыйным рухам») і арганізацыйны камітэт стварэньня Дэмакратычнай партыі.

Да затрыманьня, як перадае Радыё Азаттык, казахская служба Свабоды, скандавалі «Прабудзіся, Казахстан», «Хай Назарбаеў сыходзіць» і «Старык, сыходзь».

«Ці ж у нас спыталі, ці хочам мы вуліцу Назарбаева, сталіцу Нур-Султан? Раней мы смяяліся над Паўночнай Карэяй і Туркменістанам, — казала незадоўга да затрыманьня жонка ініцыятара стварэньня Дэмакратычнай партыі, галоўная рэдактарка газэты «Жас Алаш» Інга Іманбай. — Назарбаеўская ўлада сыдзе. Дэмакратычная партыя ўсё роўна будзе, усё роўна пераможа!»

У Алматы і Нур-Султане ў месцах, дзе меліся ладзіць мітынгі, стаў недасяжны мабільны інтэрнэт. Перад акцыямі пракуратура засьцерагала ад удзелу ў «незаконных сходах», апазыцыянэраў «прэаэнтыўна» арыштоўвалі.

Затрыманьне Інгі Іманбай. Ейныя знаймыя кажуць, яе адвезьлі дамоў
Затрыманьне Інгі Іманбай. Ейныя знаймыя кажуць, яе адвезьлі дамоў

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG