Берасьцейскі гарвыканкам ня будзе рабіць беларускую вэрсію сайта, бо «гэта не зьяўляецца абавязковым патрабаваньнем заканадаўства».
Дакумэнт з такім тлумачэньнем апублікаваў тэлеграм-канал «Беларусізацыя».
У лісьце гарвыканкаму называецца пералік інфармацыі па-беларуску, якая ёсьць на расейскамоўнай вэрсіі сайту:
- інфармацыя пра дзяржаўны орган і арганізацыю;
- нумары тэлефонаў даведкі і гарачай лініі;
- рэжым працы;
- пералік падпарадкаваных органаў;
- зьвесткі пра кіраўніка;
- інфармацыя пра працу са зваротамі;
- графікі прыёму грамадзян і юрыдычных асоб і іншая інфармацыя.
