Лінкі ўнівэрсальнага доступу

Газ = 127 − 18 ці газ = 127 + 19? У Лукашэнкі і дачкі «Газпраму» не сышліся лічбы


Ілюстрацыя © Shutterstock

Па выніках сустрэчы Аляксандра Лукашэнкі і Ўладзіміра Пуціна ў Сочы бакі дамовіліся захаваць цану на газ для Беларусі на ўзроўні 2019 году: 127 даляраў за 1 тысячу кубамэтраў. 14 лютага старшыня праўленьня «Газпрома» і амбасадар Беларусі ў Расеі падпісалі пратакол аб фармаваньні цэнаў на пастаўкі газу ў 2020 годзе.

«Мы дамовіліся па цане на газ: 127, — казаў Лукашэнка 14 лютага. — Але мы ня будзем плаціць „Белтрансгазу“ 18 даляраў за тысячу „кубоў“. І выйдзе, як у мінулым годзе, 111 даляраў».

Але ў былым «Белтрансгазе» — цяперашнім «Газпрам трансгаз Беларусь» — парталу Tut.by далі іншае тлумачэньне цаны: 127 даляраў гэта цана бяз прэміяў на мяжы Расеі зь Беларусьсю.

«Плюс да гэтага 19 даляраў за тысячу кубамэтраў — надбаўка кампаніі за дастаўку газу спажыўцам», — растлумачылі ў кампаніі. Іншых камэнтароў там не далі.

У Міністэрстве энэргетыкі на момант публікацыі не патлумачылі разыходжаньні ў лічбах.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG