Лінкі ўнівэрсальнага доступу

У цэнтры Тбілісі зноў пратэст — «Разам — супраць аднаго»

абноўлена

Пратэст у цэнтры Тбілісі, 25 лістапада 2019

Каля будынка парлямэнту Грузіі на праспэкце Руставэлі ў Тбілісі праходзіць акцыя пратэсту пад слоганам — «Разам — супраць аднаго», паведамляе «ИнтерпрессНьюс». Да акцыі ўжо далучыліся лідэры і прыхільнікі апазыцыйных палітычных партый.

Удзельнікі выступленьня апратэстоўваюць правал у парлямэнце канстытуцыйнага законапраекту аб правядзеньні прапарцыйных выбараў у 2020 годзе.

Пратэсты пачаліся 14 лістапада пасьля таго, як парлямэнт Грузіі адмовіўся перайсьці на поўную прапарцыянальную выбарчую сыстэму.

Цяпер па такой сыстэме абіраецца толькі палова грузінскага заканадаўчага органа. Пераход быў першапачаткова заплянаваны на 2024 год. Але апазыцыйныя партыі запатрабавалі ўвесьці закон ужо цяпер, настойваючы на тым, што цяперашняя сыстэма дазваляе каля паловы месцаў у парлямэнце займаць прадстаўнікам «Грузінскай мары».

Законапраект падтрымаў 101 заканадаўца, але для таго, каб папраўка ў Канстытуцыю прайшла, ёй патрабавалася ня менш за 113 галасоў. Большасьць прадстаўнікоў «Грузінскай мары» 14 лістапада прагаласавалі супраць папраўкі, нягледзячы на тое, што прадстаўнікі партыі пасьля летніх пратэстаў абяцалі адмяніць мажарытарную сыстэму ўжо для выбараў 2020 году.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG