Лінкі ўнівэрсальнага доступу

«Сорамна нават казаць». Лукашэнка зноў абурыўся сытуацыяй у школах

абноўлена

Архіўнае фота. Аляксандар Лукашэнка ў Александрыйскай сярэдняй школе Шклоўскага раён, верасень 2018

Аляксандар Лукашэнка 18 кастрычніка зноў скрытыкаваў сытуацыю ў школах падчас сустрэчы ў менскай Акадэміі кіраваньня, піша БелТА.

«У школе павінен быць парадак. Узгадайце тыя часы, калі жудасна было ўявіць, што цябе выключаць са школы. А зараз што? Гэтага нават няма. Сёньня настаўнік з вучнем сядзіць нагу за нагу і курыць. І распавядаюць — сорамна нават казаць. Вось у што мы ператвараем школу», — сказаў Лукашэнка.

Лукашэнка дадаў, што школа «гэта больш чым царква», і загадаў, каб там быў парадак.

Лукашэнка ня раз крытыкаваў дысцыпліну ў беларускіх школах і заклікаў навесьці парадак. Адказнымі за парадак у школах ён назваў настаўнікаў і кіраўніцтва школ. З апошняга:

  • Лукашэнка вярнуў на працу раней звольненую настаўніцу гомельскай школы, якая абражала вучня і замахнулася на яго партай. Звольнілі дырэктарку школы і гомельскіх чыноўнікаў.
  • Пасьля разносу Лукашэнкі для ўсіх школьнікаў зрабілі аднолькавае харчаваньне. Таксама кіраўнік Беларусі казаў, што школьнікі павінны «аднолькава добра» апранацца.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG