У сувязі са спробамі ўмяшальніцтва ў прамежкавыя выбары ў Кангрэс ЗША ў 2018 годзе, у датычнасьці да якіх падазраюць Расею, Злучаныя Штаты пашырылі санкцыйныя сьпісы. Тэлеканал «Настоящее время» знайшоў у сьпісах самалёт блізкага да Крамля расейскага бізнэсоўца Прыгожына.
Пад санкцыямі аказаліся тры афшорныя кампаніі і запісаныя на іх яхта і тры самалёты. Згодна з дакумэнтам, яны належаць блізкаму да Крамлю расейскаму бізнэсоўцу Яўгенію Прыгожыну або зьвязаныя зь ім.
Таксама ў санкцыйны сьпіс уключылі расейцаў Дзяніса Кузьміна і Ігара Несьцерава. Мінфін ЗША зьвязвае іх з кампаніяй «Агенцтва інтэрнэт-дасьледаваньняў», якую называюць «фабрыкай троляў», і зь бізнэсоўцам Прыгожыным (само агенцтва трапіла пад санкцыі раней).
37-мэтровая яхта St. Vitamin Pleasure Craft, якая трапіла пад санкцыі, зьвязаная з Beratex Group Ltd (пра яе пісаў Фонд барацьбы з карупцыяй Аляксея Навальнага). Бізнэс-джэтам Hawker 800 з бартавым нумарам RA-02791 (у мінулым M-VITO), што таксама пад санкцыямі, карыстаецца сам Прыгожын, вынікала з расьсьледаваньня тэлеканалу «Настоящее время».
Чытайце поўнае расьсьледаваньне: Імпэрыя Прыгожына: ад катлеткі ў сталовай да наймітаў у Цэнтральнай Афрыцы >>>
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў