Беларусь адправіць у Вэнэсуэлу лекі на суму каля 442 тысяч рублёў. Пастанова аб гэтым зьявілася 11 верасьня.
У сьпісе антыгіпэртанічны сродак максанідын на 104 500 рублёў, супрацьмікробны плевілёкс на 96 120 рублёў, кроплі для вачэй вітадэн на 65 436 рублёў. Усяго 35 пазыцый.
Больш за ўсё ўпаковак вітадэну (68 880), цытрамону (24 000) і максанідыну (15 000).
Урад даручыў «Белфармпраму», Міністэрству транспарту і камунікацый і Міністэрству замежных спраў забясьпечыць дастаўку лекаў у Вэнэсуэлу.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў