Лінкі ўнівэрсальнага доступу

Трамп гатовы правесьці новыя перамовы з Кім Чэн Ынам


Дональд Трамп і Кім Чэн Ын на мяжы дэмілітарызаванай зоны, 30 чэрвеня

Прэзыдэнт Злучаных Штатаў Дональд Трамп паведаміў журналістам у чацьвер пра тое, што ён гатовы правесьці новыя перамовы з паўночнакарэйскім лідэрам Кім Чэн Ынам аб ядзерным раззбраеньні. Па словах Трампа, такія перамовы могуць адбыцца ўжо сёлета.

Дональд Трамп паведаміў пра гэта, размаўляючы з журналістамі на лужку ля Белага дома перад сваёй паездкай у Балтымар, штат Мэрылэнд. У панядзелак улады КНДР выказалі гатоўнасьць аднавіць перамовы з ЗША ўжо ў верасьні.

Трамп і Кім ужо тройчы сустракаліся, пачынаючы з чэрвеня 2018 году. Апошні раз Трамп нават зайшоў на тэрыторыю Паўночнай Карэі (да яго прэзыдэнты ЗША не былі ў гэтай краіне).

Палітолягі лічаць, што адстаўка Джона Болтана, які быў дарадцам прэзыдэнта ў нацыянальнай бясьпецы, можа ажывіць перамовы з КНДР, якія спыніліся ў лютым пасьля саміту ў Віетнаме.

Аднак наўрад ці сыход Болтана зь Белага дома аблегчыць галоўную задачу — пераканаць Пхэньян адмовіцца ад ядзернай праграмы.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Вам можа яшчэ спадабацца

XS
SM
MD
LG