Лінкі ўнівэрсальнага доступу

Ва Ўкраіне назвалі дату сустрэчы Зяленскага з Лукашэнкам


Сустрэча прэзыдэнтаў Беларусі і Ўкраіны Аляксандра Лукашэнкі і Ўладзіміра Зяленскага адбудзецца 4 кастрычніка ў Жытоміры.

Як паведамілі Свабодзе ў Гандлёва-прамысловай палаце Ўкраіны, 4 кастрычніка кіраўнікі дзяржаў возьмуць удзел у пленарным пасяджэньні другога Форуму рэгіёнаў Украіны і Беларусі.

Напярэдадні, 3 кастрычніка, на Саборнай плошчы абласнога цэнтру Ўкраіны адкрыецца выстаўка тэхнікі і дэкаратыўна-прыкладнога мастацтва. У межах форуму заплянаваныя сустрэчы прадстаўнікоў дзелавых колаў дзьвюх краін.

Першы Форум рэгіёнаў Украіны і Беларусі прайшоў летась 26 кастрычніка ў Гомлі. Тады, вітаючы прэзыдэнта Ўкраіны Пятра Парашэнку, Аляксандар Лукашэнка заявіў, што Гомель «нічым не адрозьніваецца ад цудоўных украінскіх гарадоў». Пятро Парашэнка ў сваю чаргу назваў беларуска-украінскую мяжу «мяжой дружбы».

У часе першага форуму Беларусь і Ўкраіна падпісалі некалькі двухбаковых дакумэнтаў — аб супрацоўніцтве ў галіне турызму, плян кансультацый паміж міністэрствамі замежных спраў, а таксама пагадненьне аб рэадмісіі.

  • Пагадненьне аб рэадмісіі вызначае ўзаемныя абавязаньні дзяржаў прымаць на сваю тэрыторыю сваіх грамадзян, а таксама грамадзян трэціх краін і асобаў без грамадзянства, якія незаконна ўехалі на іхнюю тэрыторыю або незаконна знаходзяцца на ёй. Што праўда, гэты дакумэнт Вярхоўная Рада Ўкраіны пакуль не ратыфікавала.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG