Лінкі ўнівэрсальнага доступу

«Расея — зараза!» і яшчэ 10 песень Саўкі ды Грышкі пра беларуска-расейскія адносіны. ВІДЭА


Аляксандар Лукашэнка і Ўладзімір Пуцін у Сочы ў лютым 2019

Героі Лявона Вольскага часта спрачаюцца, а часам і пагаджаюцца наконт стасункаў паміж Беларусьсю і Расеяй. Прапануем вашай увазе 11 песень на гэтую тэму.

1. «Расея — зараза!»

Гэтая песьня зьявілася ў разгар беларуска-расейскіх газавых спрэчак у 2010 годзе, але ад таго часу яна рэгулярна зноў рабілася гарачым хітом.

2. «Што расейскае тэлебачаньне робіць зь людзьмі»

А гэтая песьня-папярэджаньне з 2015 году ўвогуле ніколі не губляла актуальнасьці.

3. Пра Пуціна

Асоба прэзыдэнта Расеі Ўладзіміра Пуціна заўсёды выклікала ў Саўкі ды Грышкі самыя жорсткія спрэчкі.

4. «Маскоўскі воўк табе таварыш!»

У красавіку 2015 году герояў Лявона Вольскага ўразіў мотапрабег расейскіх байкераў з клюбу «Начныя ваўкі», якія сабраліся праехаць з Масквы да Бэрліну празь Беларусь.

5. Экзарцыст

У той год спрэчка пра «русский мир» асабліва абвастрылася, калі Саўка схадзіў у менскі Дом Масквы на сустрэчу з расейскім публіцыстам Мікалаем Старыкавым.

6. Пра мяжу з Расеяй

У 2017 годзе Грышку абрадавала, а Саўку напалохала навіна пра тое, што Расея вяртае памежныя пасты на беларуска-расейскай граніцы.

7. Пра «сьцяну беларуска-расейскай дружбы»

У той жа год адбылася гарачая спрэчка пра малюнкі і надпісы на мурале у Менску, які вядомы як «Масква — Менск» і мае быць сымбалем сяброўства паміж Беларусьсю і Расеяй.

8. Пра чэмпіянат сьвету па футболе

Нават спартовыя падзеі часам выклікалі ў Саўкі і Грышкі палітычныя дыскусіі. Так адбылося і летась.

9. Пра паразу расейцаў на чэмпіянаце

Ня дзіва, што пройгрыш зборнай Расеі харватам выклікаў у Саўкі ды Грышкі зусім розныя эмоцыі.

10. Пра расейскага пасла Бабіча

Сёлета героі Лявона Вольскага нечакана амаль сышліся ў меркаваньнях пра выказваньні новага пасла Расеі ў Беларусі Міхаіла Бабіча.

11. «Дорогие русские друзья!»

Аднойчы апазыцыянэр Грышка нават перайшоў на расейскую мову, каб у сумнай песьні наўпрост зьвярнуцца да расейцаў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG