10 студзеня 1948 году Генэральная Асамблея ААН прыняла Дэклярацыю правоў чалавека, артыкулы якой сталі асновай шмат якіх пунктаў міжнароднага і нацыянальных заканадаўстваў.
«Усе людзі нараджаюцца вольнымі і роўнымі ў сваёй годнасьці і правах», — так пачынаецца першы артыкул Дэклярацыі. Іншыя артыкулы абвяшчаюць роўнасьць людзей незалежна ад расы, полу, мовы, рэлігіі, палітычных і іншых перакананьняў, права чалавека на жыцьцё, забарону рабства і катаваньняў, адвольных арыштаў і затрыманьняў, прэзумпцыю невінаватасьці і гэтак далей.
Беларусь часта абвінавачваюць у парушэньні правоў ейных грамадзянаў. Так, Камітэт правоў чалавека ААН чакае ад Беларусі выкананьня 60 рэкамэндацыяў, якія тычацца:
- барацьбы з дыскрымінацыяй і абароны правоў інвалідаў;
- крымінальнай адказнасьці за хатні гвалт;
- дыскрымінацыі цыганоў;
- дыскрымінацыі людзей паводле сэксуальнай арыентацыі;
- адсутнасьці прагрэсу ў пытаньні сьмяротнага пакараньня;
- жорсткае абыходжаньне са зьняволенымі;
- свабоды слова, мірных сходаў, асацыяцый;
- абмежаваньня доступу ў інтэрнэт;
- іншага.
Да гадавіны ў Менску прымеркавалі адкрыцьцё публічнай пляцоўкі «Тэрыторыя правоў» (Уручча, вул. Ложынская, 16, памяшканьне 404), дзе ў гэты дзень пройдзе ўручэньне прэміі турэмнай літаратуры імя Аляхновіча.
