Лінкі ўнівэрсальнага доступу

Лета Джона Пазьняка: «Навучыўся пакаваць у валізку ня больш за 8 кг»


Джон Пазьняк у Партугаліі.

Лета: мастацтва адпачынку. Адказы і парады.

Джон Пазьняк — нашчадак ураджэнцаў Беларусі, нарадзіўся пасьля Другой сусьветнай вайны ў лягеры для перамешчаных асобаў у Нямеччыне. Вырас у Лёндане, працаваў банкірам. Апошнія 25 гадоў жыве ў Сыднэі, у Аўстраліі.

Як вы праводзіце гэтае лета?

У Альбаніі.
У Альбаніі.

Сёлета я наведаў Беларусь, Польшчу, Чэхію, Славенію, Люксэмбург, Чарнагорыю і Нямеччыну. Я люблю падарожнічаць і наведваць новыя месцы, каб здабываць новы досьвед праз сустрэчы з рознымі народамі і іх кухнямі.

Які ваш найлепшы летні ўспамін зь дзяцінства?

Мой найлепшы ўспамін зь дзяцінства — гэта лета ў ангельскай вёсцы, калі я зьбіраў ажыны і катаўся на сваім маленькім скутэры.

Што вы заўсёды бераце з сабой?

Я заўсёды бяру пляцак з парасонам, бутэлькай вады і мапамі. Усё гэта я кладу наверх лёгкай валізкі.

Чаму каштоўнаму вы навучыліся?

Навучыўся пакаваць у валізку ня больш за 8 кг поўнай вагі. Я бязьлітасны да колькасьці адзеньня. Перад выездам я заўсёды дакладна правяраю прагноз надвор’я ў пункце прызначэньня.

Якую музыку вы слухаеце, якія кнігі чытаеце?

У Аўстраліі.
У Аўстраліі.

Я лічу, клясычная музыка супакойвае, таму я запампаваў яе шмат на свой тэлефон. Я слухаю яе ў аўтобусе або ў цягніку падчас паездак. Таксама я спампоўваю кнігі на мой Kindle, які эканоміць прастору. Мой улюбёны аўтар — Джуліян Барнс.

Ці адключаеце вы тэлефон і інтэрнэт у адпачынку?

Тэлефон і інтэрнэт уключаныя, але я іх выкарыстоўваю рэдка.

Што вы дазваляеце сабе толькі ў адпачынку?

На Кайманавых выспах.
На Кайманавых выспах.

Доўгі адпачынак. Паколькі я на пэнсіі, я маю вялікае шчасьце праводзіць даўжэйшыя вакацыі. Я не люблю сьпешкі ў адпачынку, бо гэта — адныя пакуты. Я пазьбягаю стрэсу.

Ваша парада на адпачынак

На гары Касьцюшкі ў аўстралійскіх Альпах.
На гары Касьцюшкі ў аўстралійскіх Альпах.

Прачынайцеся як мага раней, каб выкарыстаць больш дня. Прыходзьце на вашыя месцы сустрэчы раней. Насіце лёгкі і зручны абутак і піце шмат вады. Дазваляйце сабе больш сьвятла.

Лета Вальжыны Морт: «Які ў сыцылійскіх бюракратаў прыгожы почырк!»

Лета Юрыя Зісера: «Алексіевіч можна бясконца чытаць і перачытваць»

Лета Анатоля Лябедзькі: «Застаюцца ўспаміны, хто клайпэдзкі дурань, хто палангаўскі»

Лета Аляксандра Класкоўскага: «Зноў круцім пэдалі»

Лета Аляксандра Мілінкевіча: «У Берштах інтэрнэт хутчэйшы, чым у Варшаўскім ўнівэрсытэце»

Лета Аляксея Хацкевіча: «Мне дастаткова спальніка і банкаўскай карткі»

Лета Міхаэля Сэндэра: «Кароткі адпачынак — не адпачынак, а стрэс»

Лета Сяргея Далідовіча: «Пакінуўшы спорт, трэную дачок»

Лета Барыса Штэрна: «Я б параіў падарожнікам Лёндан»

Лета Меліты Станюты: «Бяз кнігі за мяжой — як бяз пашпарта»

Лета Паўліны Цімохінай: «Дазвольце сабе рабіць тое, што хочаце»

Лета Анастасіі Царук: «Раніцай бегаю ад 5 да 9 кілямэтраў»

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG