Лінкі ўнівэрсальнага доступу

Трамп распавёў пра тэрміны ўдару па Сырыі: «вельмі хутка» або «вельмі ня хутка»


Прэзыдэнт ЗША Дональд Трамп ня кажа, калі можа быць нанесены авіяўдар у Сырыі.

«Я ніколі не казаў, калі будзе атака ў Сырыі. Ці будзе гэта хутка або ня хутка. У любым выпадку, ЗША пры маёй адміністрацыі, зрабілі выдатную працу па вызваленьні рэгіёну ад «Ісламскай дзяржавы». Дзе наша «Дзякуй табе, Амэрыка?», — напісаў Трамп 12 красавіка ў Твітэры.

Напярэдадні расейскі амбасадар у Лібане заявіў, што што Масква зьбіраецца зьбіваць любыя амэрыканскія ракеты, якія будуць выпушчаныя па Сырыі. Трамп абяцаў захады ў адказ.

Новае абвастрэньне адносін паміж ЗША і Расеяй пачалося пасьля таго, як стала вядома аб хімічнай атацы ў сырыйскім горадзе Дума. Па дадзеных Сусьветнай арганізацыі здароўя, у выніку атакі загінулі прынамсі 70 чалавек і ня менш за 500 пацярпелі. Сырыйская апазыцыя і краіны Захаду ўсклалі адказнасьць на Маскву і Дамаск.

Урады Сырыі і Расеі заявілі, што яны не ўжывалі хімічную зброю, а паведамленьні пра ўдар па Думе — сфабрыкаваныя.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG