Лінкі ўнівэрсальнага доступу

У Ельску арыштавалі праўладнага кандыдата, які быў адзіным у акрузе. Выбары не адбыліся


Ілюстрацыйнае фота. Галасаваньне на выбарах у мясцовыя саветы дэпутатаў

У Ельскай-Савецкай выбарчай акрузе № 3, адзінай у Беларусі, не адбыліся выбары ў раённы савет. Пра гэта паведаміў Цэнтрвыбаркам.

«Працоўны калектыў нашай мэблевай фабрыкі адклікаў рашэньне аб вылучэньні кандыдатам у дэпутаты райсавету дырэктара гэтай фабрыкі Віталя Васілёнка. Ён быў адзіным прэтэндэнтам на дэпутацкі мандат у Савецкай акрузе № 3, таму выбары і не адбыліся. Выбарнікам проста не выдавалі бюлетэні — свайго дэпутата ў райсавет яны не выбіралі», — расказаў старшыня Ельскага раённага савету Сяргей Матузка.

Паводле яго, цяпер Васілёнка на фабрыцы няма. Ельская мэблевая фабрыка зьяўляецца філіялам ААТ «Мазырскі дрэваапрацоўчы камбінат». У аддзеле кадраў прадпрыемства паведамілі, што дырэктар філіялу Васілёнак затрыманы праваахоўнымі органамі. Вядзецца праверка. Па выніках яе і будуць зроблены высновы.

Віталю Васілёнку 34 гады, ён сябра Кампартыі Беларусі, лічыўся праўладным кандыдатам. Яму не было канкурэнтаў у выбарчай акрузе № 3, зрэшты, як і ў іншых 29. Нечаканы паварот у лёсе адзінага прэтэндэнта спрычыніўся да зрыву выбараў.

У акрузе прызначаць новыя выбары.

Мясцовыя выбары, пасьляслоўе: вынікі і рэакцыі. Жывы блог

Ваша меркаваньне

Паказаць камэнтары

XS
SM
MD
LG