Лінкі ўнівэрсальнага доступу

На мясцовых выбарах сярод партыяў першыя камуністы


Ілюстрацыйнае фота. Асноўны дзень галасаваньня на выбарах дэпутатаў мясовых саветаў у Дзяржынску. 18 лютага 2018 году

Сярод новаабраных дэпутатаў абласных і менскага гарадзкога саветаў — 35 чальцоў розных палітычных партыяў. Гэта найвышэйшы ўзровень на мясцовых выбарах.

Канкрэтнае іх прадстаўніцтва выглядае так:

  • Камуністычная партыя Беларусі — 16.
  • Рэспубліканская партыя працы і справядлівасьці — 11.
  • Беларуская сацыяльна-спартовая партыя — 3.
  • Лібэральна-дэмакратычная партыя — 2.
  • Сацыял-дэмакратычная партыя («Народная згода») — 1.
  • Беларуская аграрная партыя — 1.
  • Беларуская патрыятычная партыя — 1.

У рэгіёнах партыйнае прадстаўніцтва выглядае так:

  • Менск — 19.
  • Гомельская вобласьць — 6.
  • Берасьцейская — 4.
  • Віцебская — 2.
  • Менская — 2.
  • Горадзенская — 1.
  • Менская — 1.

Палітоляг Чавусаў: «Гэта доказ прызначальнага фармату так званых выбараў»

Палітоляг Юрась Чавусаў у камэнтары Свабодзе найперш зьвяртае ўвагу на тое, што такое партыйнае прадстаўніцтва ў мясцовых саветах супадае з прапорцыяй сяброў партый у Палаце прадстаўнікоў:

Юрась Чавусаў
Юрась Чавусаў

«Дзіўным чынам, нягледзячы на мажарытарную сыстэму галасаваньня, прапорцыя паміж гэтымі прадстаўнікамі ў мясцовых саветах адпавядае прапорцыі партыйных кандыдатаў у парлямэнце. У агульных рысах, зразумела. То бок лідэры і аўтсайдэры тыя ж самыя.

Гэта, безумоўна, дзіўны парадокс. Але калі мы прыгадаем, як менавіта вызначаюцца пераможцы на беларускіх выбарах, то гэта лёгка тлумачыцца. Бо гэта яшчэ адзін доказ прызначальнага фармату правядзеньня так званых беларускіх мясцовых выбараў».

Мясцовыя выбары, пасьляслоўе: вынікі і рэакцыі. Жывы блог

XS
SM
MD
LG