Лінкі ўнівэрсальнага доступу

Беларускія прадпрыемствы ў 2017 годзе звольнілі амаль 700 тысяч чалавек


Ярмарка вакансій у Менску

Працаўладкавалася на 41 тысячу чалавек менш.

У Беларусі працягваюць звальняць работнікаў актыўней, чым прымаць на працу. У мінулым годзе прадпрыемствы звольнілі 694,3 тысячы чалавек, а працаўладкавалі на 41,1 тысячы менш, паведамляе tut.by. У 2016 годзе звольненых было амаль 720 тысяч. Новую працу знайшлі на 100 тысяч чалавек менш.

У сьнежні мінулага году арганізацыі Беларусі працаўладкавалі 43,5 тысячы чалавек, а звольнілі — 47,6 тысячы. У сфэры адукацыі лік звольненых перавысіў колькасьць працаўладкаваных на 22,2%, у прафэсійнай, навуковай і тэхнічнай дзейнасьці — на 36,7%, у фінансавай і страхавой дзейнасьці — на 31,3%, у прамысловасьці — на 15,3%.

Нагадаем, што зімой і вясной 2017 году выконваючы Дэкрэт№ 3 падатковыя інспэкцыі краіны разаслалі каля 480 тысяч так званых «лістоў шчасьця». 25 студзеня 2018 году стала вядома, што прызначаны «дармаедзкім» дэкрэтам збор адменены.

Ваша меркаваньне

Паказаць камэнтары

XS
SM
MD
LG