Лінкі ўнівэрсальнага доступу

10 тэмаў тыдня, якія вы маглі прапусьціць


Уваход у Асьвенцім, архіўнае фота. 24 сакавіка 2017 году разьдзетыя дагала маладыя людзі завесілі лёзунг «Arbeit Macht Frei» расьцяжкай з надпісам «Love». Яны спрабавалі прыкаваць сябе адзін да аднаго кайданкамі. Двое ўдзельнікаў-беларусаў падчас акцыі зарэзалі ягня.

Найбольш цікавыя публікацыі Свабоды другога тыдня 2018 году.

«Калі хочаце хутка, то лепш эмігруйце». Кірыл Руды пра тое, як беларусам пабудаваць багатую краіну

Былы раднік Лукашэнкі расказаў пра заганы беларусаў, якія замінаюць ім зрабіць цывілізацыйны рывок, і пра тое, што трэба мяняць, каб дагнаць і перагнаць багатыя краіны.

Беларус пераехаў у Каліфорнію і працуе над «самай чаканай» відэагульнёй году — The Last of Us: Part II ​

Андрэй Максімаў трапіў у лік 30 зорных прадстаўнікоў індустрыі відэагульняў да 30 гадоў паводле Forbes. 27-гадовы беларус жыве ў Лос-Анджэлесе, ён тэхнічны дырэктар Naughty Dog — стваральнікаў Uncharted і The Last of Us.

«Я габрэй. Мае сваякі загінулі падчас Галакосту», — беларускі ўдзельнік пэрформансу ў Асьвенціме чакае прысуду ў Польшчы

«Мы хацелі паказаць, што Асьвенцім нічому нас не навучыў», — Мікіта разам з 11 хлапцамі і дзяўчатамі зладзіў акцыю каля Асьвенціма. 24 сакавіка 2017 году разьдзетыя дагала маладыя людзі завесілі лёзунг «Arbeit Macht Frei»расьцяжкай з надпісам «Love». Яны спрабавалі прыкаваць сябе адзін да аднаго кайданкамі. Двое ўдзельнікаў-беларусаў, сярод іх Мікіта, падчас акцыі зарэзалі ягня.

«Прыходзіш у прыбіральню, а каля ракавін голыя людзі нешта мыюць», — менская журналістка тыдзень правяла ў псыхіятрычнай клініцы

30-гадовая менская журналістка цярпела на трывожна-дэпрэсіўны стан, піла лекі і шукала дапамогі ў дактароў. Паляжаўшы тыдзень у Горадзенскай псыхіятрычнай больніцы, яна кажа, што больш ніколі туды ня вернецца.

«Жанчыны выходзяць з-пад кантролю». Бахарэвіч, Халезін і Цыганкоў пра новыя ролі і правілы

Прыканцы 2017 году ў перадачы «Толькі жанчыны» мы прааналізавалінайбольш актуальныя гендэрныя дыскусіі году. Напачатку 2018-га паглядзім на іх вачыма мужчынаў — драматурга, заснавальніка Беларускага Свабоднага тэатру Мікалая Халезіна, пісьменьніка Альгерда Бахарэвіча і аналітыка Свабоды Віталя Цыганкова.

«Хоць бы пакінулі яго жывым», — маці асуджанага да расстрэлу «чорнага рыэлтара»

Маці асуджанага да расстрэлу «чорнага рыэлтара» Ігара Гершанкова спадзяецца, што Аляксандар Лукашэнка адменіць сьмяротнае пакараньне яе сыну. Абвінавачаны ў шасьці забойствах і падрыхтоўцы да ўчыненьня забойства яшчэ траіх чалавек жыхар Магілёва напісаў прашэньне аб памілаваньні.

Асаблівае дзіця. Чаму незвычайная дзяўчынка болей ня ходзіць у дзяржаўную школу

Іра Мамчыц, дзяўчынка з асаблівасьцямі разьвіцьця, год таму дамаглася права вучыцца ў інтэграванай клясе ў сярэдняй школе. Праз год бацькі яе са школы забралі — стаміліся змагацца за тое, каб іхнае дзіця не ўспрымалася як праблема.

Праваабаронца Гарачка, якая не падала рукі Лукашэнку, расказвае пра свае 15 сутак на Акрэсьціна

У менскім Цэнтры ізаляцыі правапарушальнікаў (ЦІП), што на завулку Акрэсьціна, некаторых арыштантак прымушаюць прыбіраць ня толькі свае камэры, але і калідоры ды іншыя службовыя памяшканьні. Пра гэта карэспандэнту Свабоды сказала праваабаронца Натальля Гарачка, якая выйшла зь ЦІПу пасьля 15 сутак арышту, які прыпаў на Новы год.

Саўка ды Грышка пра барбэршоп «Чэкіст»

Героі Лявона Вольскага спрачаюцца пра ўстанову ў Менску, чыя назва выклікала пратэсты.

Як выглядала Глыбокае ў міжваенны час

Фатаздымкі з фондаў Нацыянальнай бібліятэкі Польшчы.

Толькі найлепшыя публікацыі за тыдзень на ваш e-mail. Падпісваймася!

XS
SM
MD
LG