«3-га студзеня працэс адновіцца, сьведак апыталі, цяпер зоймуцца вывучэньнем пісьмовых доказаў ды іншых матэрыялаў справы», — паведаміла Свабодзе прэсавая сакратарка Менгарсуду Настасься Шыльвян.
Працэс пачаўся 18 сьнежня. На лаве падсудных аўтары Regnum, грамадзяне Беларусі Юры Паўлавец, Дзьмітры Алімкін і Сяргей Шыптэнка. Калі іхная віна ў распальваньні міжнацыянальнай варожасьці сваімі артыкуламі будзе даказаная, ім пагражае да 15 гадоў зьняволеньня.
Выступаючы на допытах у судзе, як і раней на сьледзтве, абвінавачваныя аўтары віны не прызнавалі.
Паўлаўца, Алімкіна і Шыптэнку трымаюць за кратамі са сьнежня 2016 году.
