Лінкі ўнівэрсальнага доступу

Facebook стварыў мэсэнджар для дзяцей


Ілюстрацыйнае фота ©Shutterstock

Кампанія Facebook упершыню дазволіла карыстацца сваёй сацсеткай дзецям да 13 гадоў. Раней гэта было забаронена наладкамі прыватнасьці.

Распрацоўшчыкі Facebook стварылі дадатак Messenger Kids, які дазволіць бацькам камунікаваць са сваімі дзецьмі з дапамогай мабільных гаджэтаў. Кампанія спадзяецца, што так бацькі будуць болей часу праводзіць у сацыяльнай сетцы.

Дзіцячы мэсэнджар выкарыстоўвае маскі дапоўненай рэальнасьці. У 2016 годзе Facebook набыў беларускі стартап MSQRD, які дазваляе ў рэальным часе замяняць твары людзей на маскі, каб інтэграваць гэтую функцыю ў далейшых прадуктах плятформы.

Як гэта працуе?

У Messenger Kids бацькі ствараюць свайму дзіцяці акаўнт і старонку ў фэйсбуку, прычым нумар мабільнага тэлефона для гэтага не патрэбны.

Бацькі таксама вырашаюць, якім акаўнтам даваць дазвол на размовы з маленькім карыстальнікам. Гэта могуць быць кантакты як зь дзіцячага, так і з дарослага мэсэнджара.

Спэцыяльныя фільтры павінны засьцерагчы дзіця ад матэрыялаў з катэгорыі «толькі для дарослых».

XS
SM
MD
LG