Лінкі ўнівэрсальнага доступу

Украінскаму журналісту Шаройку ў Беларусі выставілі афіцыйнае абвінавачваньне ў шпіянажы


Карэспандэнт «Украінскага радыё» Паўло Шаройка, архіўнае фота

Грамадзяніну Ўкраіны Паўлу Шаройку, затрыманаму ў Беларусі, выстаўленае абвінавачваньне ў шпіянажы, паведаміў БелаПАН афіцыйны прадстаўнік КДБ Дзьмітры Пабяржын.

Паўло Шаройка быў затрыманы ў Менску 25 кастрычніка. Журналіста «Ўкраінскага Радыё» КДБ назвала «стваральнікам агентурнай сеткі» ў Беларусі, завялі крымінальную справу за шпіянаж (арт. 358 КК РБ) і ўзялі пад варту ў адзіночную камэру СІЗА КДБ. За шпіянаж пагражае ад 7 да 15 гадоў пазбаўленьня волі. КДБ сьцьвярджае, што Шаройка нібыта прызнаў віну. Мінабароны Ўкраіны і «Ўкраінскае радыё» сьцьвярджаюць, што зьвесткі «не адпавядаюць рэчаіснасьці». Тэлеканал «Беларусь-1» сьцьвярджае, што выяўленыя зьвесткі пра 16 агентаў «шпіёнскай сеткі».

Разам з Шаройкам, паводле КДБ, быў затрыманы грамадзянін Беларусі, супраць якога распачалі справу за «дзяржаўную здраду». Але ці выставілі яму абвінавачаньне, КДБ пакуль не паведамляла.

Глядзець камэнтары (3)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG