Лінкі ўнівэрсальнага доступу

Адноўлены суд над «французам з патронам», з клеткі яго перасадзілі ў «акварыюм»


17 лістапада Гомельскі раённы суд аднавіў працэс над грамадзянінам Францыі Жалянам Віё , якога абвінавачваюць у незаконным перамяшчэньні празь мяжу боепрыпасаў і незаконным абарачэньні забароненых рэчываў.

Старшынюе, як і ў першым паседжаньні, судзьдзя Тамара Застаўнецкая.

Судзьдзя Тамара Застаўнецкая. 15 лістапада 2017 году
Судзьдзя Тамара Застаўнецкая. 15 лістапада 2017 году

​24-гадовага француза затрымалі 21 верасьня на памежным пункце пропуску Новая Гута, пасьля чаго ён быў зьмешчаны ў Гомельскі сьледчы ізалятар № 3, дзе ўтрымліваецца дагэтуль. Мытнікі сьцьвярджаюць, што Віё пешшу перасякаў беларуска-ўкраінскую мяжу і не задэкляраваў патрон. Сам падарожнік у лісьце на волю пісаў, што стаў у «чырвоны калідор», каб задэкляраваць рэчы і патрон, падораны яму польскім сябрам, аднак сутыкнуўся з моўным бар’ерам з боку беларускіх службоўцаў.

Прадстаўнікі амбасады Францыі (у першым шэрагу). 15 лістапада 2017 году
Прадстаўнікі амбасады Францыі (у першым шэрагу). 15 лістапада 2017 году

Паседжаньне перанесена зь цеснай залі Гомельскага раённага суду ў будынак абласнога суду. Там больш прасторна, зьмясьціліся ўсе ахвотныя. Як адзначае на сваёй старонцы ў Facebook праваабаронца Леанід Судаленка, абвінавачанага гэтым разам трымаюць не ў жалезнай клетцы, а ў «акварыюме».

Прыехалі прадстаўнікі амбасады Францыі, а таксама жыхаркі Менску Тацяна Мурашка і Марыя Косьцій, якія хацелі ўзяць Жаляна Віё на парукі, але суд іхнае хадайніцтва не задаволіў.

Тацяна Мурашка і Марыя Косьцій. 15 лістапада 2017 году
Тацяна Мурашка і Марыя Косьцій. 15 лістапада 2017 году

Сёньня дапытваюць панятых. Першай задавалі пытаньні страхавому агенту Натальлі.

«Калі мы зайшлі ў пакой надгляду, нам паказалі патрон, які ляжаў на стале. Усяго ў пакоі было пяць чалавек. Пра маркіроўку патрона ня памятаю, каб называлі. Асоба, якая была ў якасьці перакладчыка, пры нас пратакол не падпісвала. Са слоў перакладчыка я зразумела, што грамадзянін Францыі «забыўся патрон».

Адвакат Жаляна Віё Дзьмітры Пяткевіч. 15 лістапада 2017 году
Адвакат Жаляна Віё Дзьмітры Пяткевіч. 15 лістапада 2017 году

Другая сьведка Марыя Бурлак патлумачыла, што іх не знаёмілі з тымі, хто прысутнічаў падчас агляду «боепрыпасу». Ніхто патрон пры іх не замяраў, маркіроўку не называў.

«Пры мне пакет з патронам не апячатваўся, пратакол агляду не чыталі», — сказала Марыя.

Агулам за ўчыненыя «злачынствы» — незаконная перавозка агнястрэльнай зброі (ч. 2 арт. 295 КК) і незаконнае абарачэньне атрутных рэчываў (ч. 1 333-1 КК) — Жаляну Віё пагражае да 7 гадоў пазбаўленьня волі.

Ваша меркаваньне

Паказаць камэнтары

XS
SM
MD
LG