Лінкі ўнівэрсальнага доступу

На помніку Калашнікаву знайшлі чарцёж нямецкага «Шмайсэра»


На пастамэнце помніка канструктару зброі Міхаілу Калашнікаву ў Маскве выявілі чарцёж нямецкай штурмавой вінтоўкі, распрацаванай у нацысцкай Нямеччыне ў гады Другой Сусьветнай вайны.

Увагу на гэта зьвярнуў ваенны гісторык Юрый Пашалок, які разьмясьціў у сваім Фэйсбуку фатаграфію манумэнта і копію чарцяжоў.

Нямецкі аўтамат Хуга Шмайсэра StG 44, быў распрацаваны ў пачатку 40-х гадоў і стаў адным зь першых узораў сэрыйнага аўтаматычнага ўзбраеньня, які выкарыстоўвае так званы прамежкавы патрон — сярэдняе зьвяно паміж пісталетнымі і вінтовачнымі боепрыпасамі.

Па афіцыйных дадзеных, у 1943 годзе ў СССР пачалася распрацоўка ўласнай зброі пад прамежкавы патрон. Савецкія збройнікі, у прыватнасьці, вывучылі трафэйны прататып «Шмайсэра» і самазарадны амэрыканскі карабін M1, які пастаўляўся па Лэнд-лізу.

Аўтамат Калашнікава (АК-47) быў прыняты на ўзбраеньне ў 1949 годзе. Вонкава ён аддалена нагадвае StG 44, але мэханізмы, вузлы і боепрыпасы адрозьніваюцца. Нягледзячы на гэта, распаўсюджана меркаваньне, што савецкі канструктар «скраў» распрацоўку.

Помнік Міхаілу Калашнікаву быў усталяваны ў Маскве 19 верасьня. На цырымоніі адкрыцьця міністар культуры Расеі Уладзімір Мядзінскі назваў аўтамат Калашнікава «культурным брэндам Расеі».

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG