Як паведамілі ў прэсавай службе ведамства, мэта вучэньняў — выпрацаваць аптымальны парадак выкарыстаньня груповак войскаў, вайсковых фармаваньняў і ваенізаваных арганізацыяў «пры адным з магчымых варыянтаў абстаноўкі, беспасярэдне зьвязанай з пагрозаю ваеннай бясьпецы Беларусі».
«Трэнаваньне ёсьць адным з важных элемэнтаў навучальнага году і закладвае аснову для далейшага правядзеньня захадаў падрыхтоўкі ва Ўзброеных сілах», — адзначаецца ў паведамленьні Міністэрства абароны.
12 студзеня Міністэрства абароны Беларусі адзначыла «беспрэцэдэнтную мілітарызацыю на пэрымэтры краіны».
«У эўрапейскіх краінах дысьлякуецца групоўка розных авіяцыйных сродкаў. Гэта больш за 2,2 тыс. самалётаў. Групоўка ў Польшчы і краінах Балтыі сягае 130, летась даходзіла да 140 самалётаў тактычнай авіяцыі. Мы таксама бачым палёты стратэгічнай бамбавальнай авіяцыі амэрыканцаў, якія адпрацоўваюць вучэбна-баявыя задачы нанясеньня ўдараў па нашай тэрыторыі», — цытуе міністра агенцтва БелТА.
Пры гэтым агенцтва не ўдакладніла, ці даў Хрэнін канкрэтныя прыклады такіх практыкаваньняў.
Свабода зьвярнулася ў Міністэрства абароны ЗША * з просьбай пракамэнтаваць заявы Віктара Хрэніна. Мы апублікуем адказ, калі яго атрымаем.
* Прэзыдэнт ЗША Дональд Трамп у верасьні 2025 году падпісаў выканаўчы загад, які дае Міністэрству абароны другасную назву Міністэрства вайны.
Форум