Як стала вядома The Guardian, Інтэрпол распаўсюдзіў сьпіс са 173 баевікоў-смяротнікаў, якіх падрыхтавалі зьдзяйсняць тэракты ў Эўропе. Паведамляецца, што сьпіс складзены на аснове зьвестак, сабраных амэрыканскімі спэцслужбамі ў рэгіёнах Сірыі і Іраку, якія былі вызвалены ад баевікоў «Ісламскай дзяржавы».
Складзены спэцслужбамі сьпіс зьмяшчае імёны патэнцыйных сьмяротнікаў, даты іх далучэньня да арганізацыі, месца пражываньня, уключаючы дадзеныя аб мячэцях, у якіх яны маліліся, а таксама фотаздымкі.
Выданьне адзначае, што пакуль няма ніякай інфармацыі аб тым, што асобы са сьпісу ўжо знаходзяцца на тэрыторыі Эўропы.