Лінкі ўнівэрсальнага доступу

Леанід Заіка: Беларусь — далёкі жаніх для багатай Вэнэсуэлы


Леанід Заіка

Аляксандар Лукашэнка заявіў пра гатоўнасьць аказаць усялякую дапамогу і падтрымку Вэнэсуэле ў дывэрсыфікацыі і мадэрнізацыі.

«Прэзыдэнт Вэнэсуэлы паставіў перад вэнэсуэльскім грамадзтвам задачу, якая заключаецца ў дывэрсыфікацыі і мадэрнізацыі эканомікі. Мы можам аказаць істотную падтрымку і прыняць удзел у гэтым калясальным гістарычным працэсе», — cказаў Лукашэнка журналістам, падводзячы вынікі перамоваў з прэзыдэнтам Вэнэсуэлы Нікаласам Мадурам.

Эканаміст, кіраўнік аналітычнага цэнтру «Стратэгія» Леанід Заіка выказаў меркаваньне, што ня трэба разьлічваць, што працэс будзе надзвычай інтэнсіўным, але ад яго мажа быць карысьць і для беларускай эканомікі:

«Беларусь у прамысловым, тэхналягічным, навукова-тэхналягічным пляне прасунулася ўсё ж такі далей за Вэнэсуэлу. Таму тэарэтычна тут ёсьць абгрунтаваньне — дапамагчы ў мадэрнізацыі вэнэсуэльскай эканомікі. У нас ёсьць станкабудаўнічыя заводы, прадпрыемствы, якія вырабляюць рознае абсталяваньне — тэхнічнае, транспартнае. Але Вэнэсуэла даволі далёка знаходзіцца, і дастаткова складана будзе арганізаваць працэс пастаўкі дэталяў, наладкі абсталяваньня. Таму ня трэба спадзявацца, што гэты працэс будзе фантастычна інтэнсіўны.

У свой час, пасьля другой Усясьветнай вайны, прамысловасьць Вэнэсуэлы была створана за кошт пакупкі абсталяваньня амэрыканскіх прадпрыемстваў, якое ў ЗША стала непатрэбным. Гэты факт разглядаецца вучонымі як дастаткова пасьпяховае прымяненьне каапэрацыі, „скіду“ станкоў, абсталяваньня. Калі зараз з боку Беларусі прапанаваць тое ж самае Вэнэсуэле, гэта будзе ня вельмі прыгожа, бо ў нас саміх працуюць яшчэ станкі 40-х гадоў, прывезеныя зь Нямеччыны. Таму атрымаць заказы на вытворчасьць станкоў, абсталяваньня для Вэнэсуэлы будзе і на карысьць беларускай эканоміцы.

Таму рэкамэндаваць сябе багатай нявесьце Вэнэсуэле як жаніха, мы можам».

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG