Віктар Кузьмін, нядаўна прызначаны кіраўніком прадстаўніцтва НТВ у Беларусі, пакуль застаецца ў Расеі. На працягу месяца яго будзе замяняць былы карэспандэнт НТВ у Менску Аляксандар Калпакоў, які сёньня прыбыў у Менск.
Папярэднік спадара Кузьміна карэспандэнт НТВ Павал Селін быў пазбаўлены акрэдытацыі і дэпартаваны зь Беларусі за асьвятленьне пахаваньня Васіля Быкава, рэпартаж зь якога не спадабаўся беларускім уладам. Пазьней урад Беларусі закрыў і прадстаўніцтва НТВ у Менску.
