Лінкі ўнівэрсальнага доступу

“ДЛЯ ЎСІХ ХРЫСЬЦІЯНАЎ ВЕЛІКОДНЫ ЦУД ЗЬЯЎЛЯЕЦЦА ГАЛОЎНАЙ ПАДЗЕЯЙ У ГІСТОРЫІ”


ул. інф.

Хрыстос уваскрос!

Дарагія браты і сёстры!

Праз Хрыста дадзеная нам перамога над кожным ворагам, над кожным магчымым злом. Хрысьціянін дакладна ведае жыцьцёвую сапраўднасьць, ведае, што ёсьць злыя людзі на гэтым сьвеце, злыя і ашалелыя любаўладныя дыктатары, што ёсьць драконскія дзяржавы, але ён аптыміст, бо ён ведае Хрыста.

Для ўсіх хрысьціянаў велікодны цуд зьяўляецца галоўнай падзеяй у гісторыі. Чалавек, які здолее пранікнуць у гэтую глыбокую тайну, чэрпае зь яе вялікую сілу нутранога адрачэньня.

Дарагія мае, мы пакліканыя зрабіць больш высакародным і дасканалым асабістае і грамадзкае жыцьцё. Галоўнае, каб усьведаміць сабе сваё пакліканьне, абавязак да сям’і, да бацькаўшчыны, да свайго народу.

Хай Бог уваскрэслы дапаможа нашаму народу і ўваскрэсіць у ім пачуцьцё нацыянальнай сьвядомасьці, годнасьці. Хай для ўсіх сьвята пасхі Хрыстовай будзе сьвятам сапраўднай радасьці і духоўнай вясны і надзеі на лепшую будучыню нашага народу.

Мікалай (Мацукевіч),
Мітрапаліт і першагерарх Беларускай
Аўтакефальнай Праваслаўнай Царквы,
Таронта, Вялікдзень 2001 г.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG