Лінкі ўнівэрсальнага доступу

Памёр Вацлаў Гавэл


Вацлаў Гавэл
Вацлаў Гавэл

18 сьнежня ва ўзросьце 75 гадоў памёр першы прэзыдэнт Чэскай рэспублікі Вацлаў Гавэл.

Вацлаў Гавэл атрымаў вядомасьць у шасьцідзясятыя гады як драматург і літаратурны крытык. Пасьля падзей Праскай вясны 1968 году далучыўся да апазыцыі, публікаваўся ў асноўным за мяжой, неаднаразова арыштоўваўся ўладамі.

У 1989 годзе Гавэл быў адным з ініцыятараў стварэньня «Грамадзянскага форуму», які стаў галоўнай апазыцыйнай сілай у Чэхіі.

На сумесным пасяджэньні абедзьвюх палат Фэдэральнага сходу Чэхаславацкай сацыялістычнай рэспублікі 29 сьнежня 1989 году Гавэл быў аднагалосна абраны прэзыдэнтам, а ў 1993 годзе стаў прэзыдэнтам незалежнай Чэхіі.

18 сьнежня Радыё Свабода прысьвяціла эфір памяці Вацлава Гаўла.




Адной з мэтаў радыё Гавэл лічыць выхаваньне дэмакратычных палітыкаў

Вацлаў Гавэл у камэнтарах

На вечар успамінаў пра Быкава завітаў Вацлаў Гавэл

Васіль Быкаў: "Прыклад Гаўла грэў, поўніў сэрца надзеяй"

Вацлаў Гавэл слухачам у Беларусі: “Больш аптымізму, больш свабоды!”

Вацлаў Гавэл: У беларуску закаханы яшчэ ня быў




Вацлаў Гавэл: Не забывайма пра салідарнасьць!

Былы прэзыдэнт Чэхаславаччыны і Чэхіі Вацлаў Гавэл выступіў у Эўрапейскім парлямэнце ў Брусэлі з прамовай, прымеркаванай да 20-годзьдзя падзеньня камунізму ў Сярэдняй і Ўсходняй Эўропе. Былы дысыдэнт і прэзыдэнт гаварыў пра значэньне падзеяў 20-гадовай даўнасьці для гісторыі і пра будучыню аб’яднанай Эўропы.

Гавэл: “Малыя кампрамісы вядуць да вялікіх”

“International Herald Tribune” да 20-й гадавіны Аксамітнай рэвалюцыі ў Чэхіі піша пра аднаго зь яе лідэраў, першага прэзыдэнта свабоднай ад камунізму Чэхаславаччыны Вацлава Гаўла, які, паводле газэты, застаўся чалавекам маралі і непакоры.


Не забывайце Эўропу! Ліст да амэрыканскага прэзыдэнта

Валдас Адамкус, Вацлаў Гавэл, Лех Валенса, Вайра Віке-Фрэйберга ды іншыя эўрапейскія палітыкі выказаліся за рашучую палітыку ў дачыненьні Масквы.


Вацлаў Гавэл — ганаровы сябра Беларускага ПЭН-цэнтру

“Дарагія сябры! Я хацеў бы падзякаваць вам за абраньне мяне ганаровым сябрам Беларускага ПЭН-цэнтру. Для мяне гэта вялікі гонар. Мяркую, што вы зрабілі гэта таму, што лічыце мае п’есы сугучнымі вашаму разуменьню, што вы знаходзіце ў іх пэўнае ўнівэрсальнае пасланьне і ў пэўнай ступені падзяляеце мае погляды на жыцьцё ў таталітарным грамадзтве…” Так напісаў Вацлаў Гавэл у сваім лісьце да Беларускага ПЭН-цэнтру.


Гавэл: Там, дзе няма свабодных грамадзянаў, там паступова чэзьне ўсё

Грамадзкі рэдактар гэтага тыдня – Вацлаў Гавэл. Спадар Гавэл – даўні сябар Радыё Свабода.


В.Гавэл: “Было б добра, каб скончылася дыктатура ў Беларусі”

Першы дэмакратычны прэзыдэнт Чэхаславаччыны , а потым Чэхіі, адзін з закладальнікаў руху Хартыя-77, пісьменьнік і філёзаф, сябра дэмакратычнай Беларусі. Паводле словаў Васіля Быкава, які некалькі сваіх апошніх гадоў пражыў у Празе, “на прыкладзе Вацлава Гаўла сьвет убачыў ня так часта ажыцьцёўлены пастулят-мару антычнага Плятона пра тое, каб філёзафы апыналіся пры ўладзе, а ўладары рабіліся філёзафамі’’


В.Гавэл: НАТО павінна было б уключыць Беларусь

Паводле былога чэскага прэзыдэнта Вацлава Гаўла, НАТО павінна было б у будучыні пашырыцца на Беларусь і Ўкраіну. Гэтую думку ён выказаў сёньня ў інтэрвію чэскаму радыё.


Вацлаў Гавэл павіншаваў беларусаў

Напярэдадні Калядаў мы атрымалі відэавіншаваньне ад чэскага сябра Беларусі, экс-прэзыдэнта Чэхіі Вацлава Гаўла.


Гавэл пра Беларусь: нечаканасьці магчымыя

Сёньня культурная фундацыя чэскага экс-прэзыдэнта Вацлава Гаўла праводзіць у Празе Беларускі дзень.


Вацлаў Гавэл: “Камунізм параўнальны з нацызмам”

“Камуністычная ідэалёгія за дзесяцігодзьдзі існаваньня ў былых сацыялістычных краінах пранікла ва ўсе сфэры жыцьця, і пазбавіцца ад камуністычнай спадчыны – нялёгкая справа”, адзначыў былы дысыдэнт і прэзыдэнт Чэхіі Вацлаў Гавэл.

Гавэл: “Веру, што будучыня Беларусі – эўрапейская”

Экс-прэзыдэнт Чэхіі Вацлаў Гавэл зьвярнуўся з пасланьнем да ўдзельнікаў канфэрэнцыі “Мінуласьць, сучаснасьць і будучыня беларускай дзяржаўнасьці” ў Празе.


Старшыня Рады БНР сустрэлася з экс-прэзыдэнтам Чэхіі

На сьвяткаваньне гадавіны абвяшчэньня незалежнасьці Беларускай Народнай Рэспублікі ў Прагу прыехала старшыня Рады БНР Івонка Сурвіла. Сёньня адбылася яе сустрэча з кіраўнікамі міжнароднай арганізацыі “Грамадзянская Беларусь” – экс-прэзыдэнтам Чэхіі Вацлавам Гаўлам і былым сэнатарам, былым міністрам унутраных спраў Чэхіі Янам Румлам.


Да ўдзельнікаў “Эўрапейскага маршу” зьвярнуўся Вацлаў Гавэл

Вацлаў Гавэл запэўніў, што ня толькі ён, але й шмат ягоных суайчыньнікаў падтрымліваюць барацьбу за свабоду і дэмакратыю ў Беларусі. Ён выказаў перакананьне, што гэтыя намаганьньні скончацца перамогай.


Вацлаў Гавэл: "Я ня ведаю, хто стане наступным прэзыдэнтам Чэхіі, але беларускім – Мілінкевіч”

Праскае таварыства міжнароднага супрацоўніцтва ўганаравала Аляксандра Мілінкевіча прэміяй “За грамадзянскія заслугі” імя Гано Эленбоген. Сваю прэмію Мілінкевіч перадаў Паўлу Севярынцу.


Вершы Рыгора Барадуліна ў Чэхіі прадстаўляе Вацлаў Гавэл

У Празе выйшла кніга выбраных вершаў намінанта на Нобэлеўскую прэмію па літаратуры Рыгора Барадуліна “Жыць!” Кніга дзьвюхмоўная. На чэскую вершы беларускага паэта пераклала супрацоўніца Нацыянальнай бібліятэкі Чэскай рэспублікі, Ганаровы доктар Полацкага унівэрсытэту, беларусістка Францішка Сокалава. Прадмову да кнігі напісаў экс-прэзыдэнт Чэхіі Вацлаў Гавэл.

Вацлаў Гавэл: "Мужнасьць – адзіны шлях да посьпеху"

Учора ў часе Форуму-2000, які штогод праводзіцца пад патранажам былога чэскага прэзыдэнта Вацлава Гаўла, адбылося ўручэньне прэміі імя Гано Эленбоген Аляксандру Мілінкевічу. На цырымонію прыбыў Вацлаў Гавэл і пасьля яе даў інтэрвію Свабодзе.

Пешкі ў горы на сустрэчу з Вацлавам Гаўлам

Усю суботу сусьветна вядомы палітык і драматург Вацлаў Гавэл прахадзіў у майцы з надпісам “Эўрабеларус”. Так ён адзначыў сустрэчу з прадстаўнікамі "Свабоднага тэатру" зь Беларусі.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG