Экс-прэзыдэнт Літвы Валдас Адамкус не хавае шкадаваньня ў сувязі са зьмяненьнямі літоўскай вонкавай палітыкі. На яго думку, Літва не павінна любой цаной дамагацца паляпшэньня стасункаў з Расеяй, павінна больш увагі надаваць Малдове, Украіне, Грузіі, паведамляе DELFI.
Па словах Адамкуса, Літва, надаючы менш увагі Ўкраіне, Малдове і Грузіі, губляе існуючы ўплыў і прызнаньне, якія яна атрымала, выконваючы гэтую функцыю.
З-за гэтай прагматыкі адмаўляцца ад асноўных каштоўнасьцяў, ад мінулага, забыць яго толькі, каб атрымаць выгаду або дайсьці да таго, каб станавіцца на калені і прасіць "Пашкадуйце нас ", я з гэтым не пагаджуся і лічу, што Літве гэта непатрэбна" , – сказаў Адамкус.
Па яго словах, увага кіраўніцтва ЗША, службоўцаў ЭЗ, міністраў замежных спраў Польшчы і Францыі да Грузіі і ўсяго рэгіёну – гэта "выдатны паказчык для кіраўнікоў вонкавай палітыкі Літвы".
Адамкус сказаў, што ў гады свайго прэзыдэнцтва ён дамагаўся добрых адносінаў з усходнімі суседзямі, аднак таксама хацеў бачыць узаемны дыялёг і павагу.
"Аднак мы ўсе выдатна ведаем, што гэта быў аднабаковы рух. На нашы канструктыўныя прапановы, жаданьне мірна жыць з суседзямі адказвалі маўчаньнем ці я б так назваў варожымі дзеяньнямі. Дастаткова ўзгадаць нафтаправод" Дружба ", праблемы нашага экспарту, шматкілямэтровыя чэргі грузавікоў на мяжы, якую нельга было перасекчы. І сёньня мы павінны прызнаць, што за газ плацім Расеі нашмат больш, чым іншыя эўрапейскія краіны ", – сказаў экс-прэзыдэнт.
Ён прызнае, што ў адносінах з Расеяй і Беларусьсю патрэбная прагматыка, аднак з-за гэтага ня трэба адмаўляцца ад асноўных установак.
"З-за гэтай прагматыкі адмаўляцца ад асноўных каштоўнасьцяў, ад мінулага, забыць яго толькі, каб атрымаць выгаду або дайсьці да таго, каб станавіцца на калені і прасіць "Пашкадуйце нас ", я з гэтым не пагаджуся і лічу, што Літве гэта непатрэбна" , – сказаў Адамкус.
Па ацэнцы Адамкуса, асноўны прыярытэт цяперашняй зьнешняй палітыкі Літвы – любым коштам дамагчыся паляпшэньня стасункаў з Расеяй.
"Думаю, напэўна, ёсьць адна мэта – любой цаной выйсьці і сказаць: "Праз некалькі дзесяткаў гадоў – вось які пералом у адносінах з нашай суседкай Расеяй. Мы зноў сябры, цалуемся, абдымаемся, гэта наша вялікая перамога". А які цаной гэтага дабіліся? Гэта, вядома, ня мне вырашаць", – сказаў экс-прэзыдэнт.
