Ігар Карней, Радыё Свабода Рада Бясьпекі Арганізацыі Аб’яднаных Нацыяў (ААН) рэкамэндавала прызначыць міністра замежных справаў Паўдзённай Карэі Пан Гі Муна Генэральным сакратаром ААН. Кандыдатуру генсэка павінна зацьвердзіць Генэральная асамблея ААН дзьвюма трацінамі галасоў, аднак дагэтуль усе асобы, прапанаваныя Радай Бясьпекі, прымаліся кансэнсусам. Як лічаць назіральнікі, і гэтым разам працэдура будзе гарантаваная. У сваю чаргу, Аляксандар Лукашэнка, якому двойчы ўдалося выступіць з трыбуны ААН, ужо назваў Пан Гі Муна “вясельным генэралам”, ад якога нічога не залежыць.