Лінкі ўнівэрсальнага доступу

С.Бабурын: Пуцін згодны, што сытуацыя ў адносінах зь Беларусьсю крытычная


Паводле БелаПАН Прэзыдэнт Расеі Уладзімір Пуцін 4 кастрычніка сустрэўся зь лідэрамі фракцыяў Дзяржаўнай думы, зь якімі абмеркаваў у тым ліку і расейска-беларускія адносіны.

"Атрымалася змястоўная размова. Мы абмяркоўвалі шырокае кола праблем - ня толькі па Каўказе, але і расейска-беларускія адносіны. Усе пагадзіліся з тым, што сытуацыя склалася крытычная", - заявіў пасьля сустрэчы віцэ-сьпікер Дзярждумы Сяргей Бабурын.

Паводле словаў Бабурына, расейскі кіраўнік папрасіў лідэраў фракцыяў "прыняць закон, які дазваляе прэзыдэнту ўводзіць спэцыяльны рэжым у дачыненьні да недружалюбных Расеі краін". "Гэта будзе калька з амэрыканскага закона, які цяпер дзейнічае ў дачыненьні да Беларусі", -- патлумачыў віцэ-сьпікер Дзярждумы, маючы на ўвазе прыняты Кангрэсам ЗША ў 2004 годзе Акт аб дэмакратыі ў Беларусі.

Зараз Менск і Масква вядуць спрэчкі наконт цаны на расейскі газ у 2007 годзе, а таксама стварэньня сумеснага прадпрыемства на базе "Белтрансгазу", прыняцьця Канстытуцыйнага акта Саюзнай дзяржавы, увядзеньня адзінай валюты. З шэрагам жорсткіх заяў на адрас Расеі Аляксандр Лукашэнка выступіў 29 верасьня на прэсавай канфэрэнцыі для журналістаў расейскіх рэгіянальных СМІ.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG