Што вядома пра новыя ракетах і наколькі яны могуць зьмяніць сытуацыю на полі бою, вывучаў тэлеканал «Настоящее время».
Your browser doesn’t support HTML5
Украина заявила о создании двух баллистических ракет
Ва Ўкраіне прайшлі выпрабаваньні распрацаванай балістычнай ракеты FP-7 тактычнага ўзроўню. З словаў вытворцы, далёкасьць палёту — больш за 200 кілямэтраў. Вага баявой часткі — 150 кіляграмаў, хуткасьць палёту — 1,5 тыс. м / с.
Яе характарыстыкі часта параўноўваюць з амэрыканскім ATACMS або з савецкай «Точка-У». Што да ўжываньня, то галоўнымі цэлямі гэтай ракеты будуць аб’екты недалёка ад фронту або мяжы Ўкраіны.
«Велізарная колькасьць „смачных“ цэляў. У тым ліку ключавыя авіябазы РФ, якія знаходзяцца на далёкасьці да 300 км ад лініі фронту. Можна пералічваць. Акрамя акупаванага Крыму — Варонеж. Ёсьць што біць», — кажа галоўны рэдактар Defense Express Алег Каткоў.
Дзяніс Штылерман, кіраўнік кампаніі Fire Point
Украінскае ракетабудаваньне шмат гадоў было ў стагнацыі. Пасьля пачатку поўнамаштабнага ўварваньня Кіеў зьвяртаўся да замежных партнэраў з просьбай надаць падобную зброю. Але, па-першае, ніводная эўрапейская краіна не вырабляе іх самастойна. А па-другое, у сьвеце ў цэлым мала такіх ракет.
«Нам трэба таннае рашэньне, якое можна хутка маштабаваць, — кажа кіраўнік кампаніі — вытворцы ўзбраеньня Анатоль Храпчынскі. — Мы бачым праблемы з разгортваньнем магутнасьцяў PAC-3. Мы бачым праблемы з разгортваньнем магутнасьцяў ракет ASTER 30 для сыстэмаў SAMP/T. І яны разам з тым дарагія. Галоўнай задачай для гэтых ракет ёсьць добрая сыстэма навядзеньня і каардынацыі, якія дазволяць дакладна цаляць. Пакуль што вытворца абяцае некалькі мэтраў хібнасьці».
Ракета FP-5 Flamingo ад кампаніі Fire Point
Украіна пайшла найкарацейшым шляхам. Новую ракету FP-7 стварылі ў корпусе савецкай С-400. Экспэрты тлумачаць, што гэта заашчадзіла час на распрацоўку свайго фюзэляжу, новага кампанаваньня ракеты, аэрадынамічныя тэсты. Ракета ўжо прайшла лётныя выпрабаваньні.
«Мы актыўна заклікалі маштабаваць вытворчасьць дронаў сярэдняй далёкасьці. І мы плянавалі выйсьці на актыўныя дзеяньні ў студзені. Мы выйшлі на травень. Я ў прынцыпе на тэставае выпрабаваньне і фактычнае ўжываньне адводжу недзе ад 6–9 месяцаў», — кажа Храпчынскі.
Як заяўляюць у кампаніі-вытворцы Fire Point, цана адной ракеты будзе рэкордна нізкаю для ўсясьветнага рынку — каля 500 тысяч даляраў. Для параўнаньня, амэрыканскі ATACMS каштуе ад мільёна да 1,5 мільёна даляраў. Іншае пытаньне — колькі ракет Украіна зможа вырабляць, кажа галоўны рэдактар Defense Express.
«Расейская Фэдэрацыя, паводле зьвестак Галоўнага ўпраўленьня выведкі, будуе ў месяц 60 балістычных ракет „Іскандэр“. Выходзіць па дзьве ў дзень. Гэта пра тэмпы, на якія ня тое каб трэба арыентавацца, проста для ўяўленьня, наколькі гэта складана», — сказаў Каткоў.
ГЛЯДЗІЦЕ ТАКСАМА:
Новыя фота сьведчаць пра эфэктыўнасьць украінскіх удараў дронамі сярэдняй далёкасьціАкурат цяпер ва Ўкраіне распрацоўваюць яшчэ адну балістычную ракету — FP-9. Гэта ўжо зброя апэратыўна-стратэгічнага ўзроўню — яна большая памерамі і магутнасьцю. Заяўленая далёкасьць палёту — 855 кілямэтраў. Вага баявой часткі — 800 кіляграмаў. Сваімі характарыстыкамі яна падобная на расейскі «Іскандэр». Відэа выпрабаваньняў гэтай ракеты пакуль няма.
«У нас для „дзявяткі“ (FP-9), якая можа даляцець да Масквы, з прыстойнай хуткасьцю ўвайсці ў цэль, пакуль ёсьць усё, акрамя рухавіка, — кажа Дзяніс Штылерман, кіраўнік кампаніі Fire Point. — Гэта значыць, маем прывод, сыстэму кіраваньня, корпусы, але корпус рухавіка ў нас не ўсталяваны, пакуль рухавік ня выпрабаваны».
Кіраўнік Fire Point дадаў, што працэс кадыфікацыі, гэта значыць рэгістрацыі ракеты ў Міністэрстве абароны, ва Ўкраіне спрошчаны. І кампанія будзе адразу рабіць дзясяткі тэставых экзэмпляраў для паскарэньня вытворчасьці.
«Украінская балістыка зьменіць усё ў гэтай вайне. Яна зьменіць статус Украіны ў сьвеце. Мы ўжо яго шмат разоў мянялі, гэта найвышэйшая ліга. Я не хачу, з аднаго боку, завышаць чаканьні, з другога — падказваць нашаму ворагу нешта», — сказаў міністар абароны Ўкраіны Міхаіл Фёдараў.
Таксама Фёдараў заявіў, што грошы на распрацоўку ракеты ёсьць і будуць. Раней Уладзімір Зяленскі называў балістыку «апошнім расейскім аргумэнтам» у вайне супраць Украіны.
ГЛЯДЗІЦЕ ТАКСАМА:
Начны ўдар Расеі па Ўкраіне: пацярпелі кінастудыя, Кіева-Пячорская лаўра і музэй. Дзясяткі ахвяраўВайна Расеі супраць Украіны
- А 5-й гадзіне раніцы 24 лютага 2022 году кіраўнік Расеі Ўладзімір Пуцін заявіў пра пачатак ваеннай апэрацыі супраць Украіны на Данбасе на просьбу груповак «ДНР» і «ЛНР». 21 лютага падчас тэлезвароту да расейцаў Пуцін назваў так званыя «ДНР» і «ЛНР» незалежнымі дзяржавамі ў межах вобласьцяў. 22 лютага Савет Фэдэрацыі ратыфікаваў гэтае рашэньне.
- Расейскія войскі атакавалі ў тым ліку з тэрыторыі Беларусі, выкарыстоўваючы лётнішчы, базы і дарогі. Прадстаўнікі рэжыму Лукашэнкі апраўдваюць вайну, некаторыя яго праціўнікі лічаць тэрыторыю Беларусі акупаванай, многія заклікаюць да супраціву расейскім захопнікам. Насуперак заявам Пуціна пра атакі выключна на вайсковыя аб’екты, расейцы пачалі бамбіць школы, дзіцячыя садкі і жылыя кварталы ўкраінскіх гарадоў.
- 2 красавіка 2022 году, пасьля вызваленьня гораду Буча пад Кіевам, фотакарэспандэнты апублікавалі дзясяткі фатаздымкаў, на якіх відаць сотні нябожчыкаў, ахвяраў масавых забойстваў, учыненых расейскімі войскамі. Многія пахаваныя ў стыхійных брацкіх магілах. Вялікія разбурэньні прынесла расейская акупацыя і Барадзянцы.
- З 24 лютага 2022 году Расея захапіла толькі адзін абласны цэнтар — Херсон. Горад быў акупаваны расейскімі войскамі ў першыя дні вайны фактычна без баёў. Расейскія войскі адступілі зь яго і з правабярэжнай часткі Херсонскай вобласьці ў лістападзе 2022 году. Увосень 2022 году ўкраінскія войскі правялі маштабны контранаступ, у выніку якога расейскія сілы пакінулі большасьць сваіх пазыцый і ў Харкаўскай вобласьці.
- Нягледзячы на першапачатковыя заявы Пуціна пра тое, што акупацыя ўкраінскіх тэрыторыяў не ўваходзіць у пляны ўварваньня, 30 верасьня 2022 году была абвешчана анэксія чатырох вобласьцяў Украіны (Данецкай, Запароскай, Луганскай і Херсонскай), у тым ліку і тэрыторыяў, якіх Расея не кантралявала.
- 21 верасьня 2022 году Пуцін заявіў пра мабілізацыю ў Расеі. Пасьля гэтай заявы тысячы расейцаў накіраваліся на памежныя пункты і пачалі выяжджаць у Грузію, Казахстан, Армэнію, Манголію, Фінляндыю і іншыя краіны. У самой Расеі праціўнікі вайны падпалілі некалькі вайсковых камісарыятаў.
- У 2023 годзе Лукашэнка і Пуцін заявілі пра разьмяшчэньне ў Беларусі расейскай ядзернай зброі. 13 чэрвеня Лукашэнка сказаў, што частка ядзернай зброі ўжо дастаўлена з РФ у Беларусь. 16 чэрвеня Пуцін таксама заявіў, што першыя ядзерныя зарады ўжо дастаўленыя на тэрыторыю Беларусі, а астатнюю частку перамесьцяць «да канца лета або да канца году».
- 17 лістапада 2024 году тагачасны прэзыдэнт ЗША Джо Байдэн зьняў абмежаваньні на нанясеньне ўдараў амэрыканскай дальнабойнай зброяй па тэрыторыі Расеі.
- З прыходам да ўлады ў ЗША прэзыдэнта Дональда Трампа рэзка актывізавалася тэма магчымых мірных перамоваў. Улетку 2025 году Дональд Трамп правёў шэраг сустрэчаў, у тым ліку з Уладзімірам Зяленскім і Ўладзімірам Пуціным. Аднак дамовіцца пра мірнае пагадненьне ці прынамсі пра асабістую сустрэчу прэзыдэнтаў Украіны і Расеі не атрымалася. Агулам мірныя перамовы дагэтуль не далі істотных вынікаў.
- 1 чэрвеня 2025 году на Дзень расейскай авіяцыі Ўкраіна правяла маштабную апэрацыю «Павуціньне». Служба бясьпекі Ўкраіны зладзіла ўдары па авіябазах па ўсёй тэрыторыі Расеі, зьнішчыўшы дзясяткі расейскіх вайсковых самалётаў. Дакладна невядома, адкуль кіраваліся гэтыя дроны і ці выкарыстоўвалі яны штучны інтэлект для нацэльваньня на расейскія самалёты. Паводле ўкраінскага боку, дахі грузавікоў, дзе хаваліся дроны, адчынялі дыстанцыйна, каб дазволіць квадракоптэрам узьлятаць.
- З пачатку 2024 году па цяперашні час украінскія дроны пашкодзілі мноства расейскіх нафаперапрацоўчых заводаў, што прывяло да істотнага скарачэньня вытворчасьці нафтапрадуктаў у Расеі.
- Лінія фронту ва Украіне на працягу 2025 і на пачатку 2026 году заставалася адносна стабільнай. Пры гэтым расейскія войскі павольна прасоўваліся на асобных участках. З кастрычніка 2025 па сакавік 2026 году Расея захапіла каля 1833 км². На пачатку 2026 году ўкраінскія сілы правялі шэраг удалых контратак. У канцы красавіка 2026 году ўпершыню за доўгі час Ўкраіна адваявала больш тэрыторыі, чым страціла.
Незалежная праверка інфармацыі пра ваенныя дзеяньні, якую даюць афіцыйныя асобы розных бакоў, не заўсёды магчымая.