Экспэрты ААН па правах чалавека ў адмысловай заяве выказалі сур’ёзную занепакоенасьць у сувязі з утрыманьнем пад вартай, жорсткім абыходжаньнем і адмовай у належнай мэдыцынскай дапамозе некалькім палітзьняволеным у Беларусі.
Гаворка перш за ўсё пра Сьцяпана Латыпава, які хварэў на цынгу і зьдзейсьніў некалькі спробаў суіцыду, Вольгу Маёраву, якая амаль страціла зрок у калёніі, Ягора Волкава, у якога значна пагоршылася здароўе ў няволі, і Вацлава Арэшку, які страціў зрок у калёніі.
Адзін з названых Вацлаў Арэшка, 71-гадовы актывіст прафсаюзу, быў прыцягнуты да крымінальнай адказнасьці ў сувязі з рэпрэсіямі супраць незалежных прафсаюзаў у Беларусі. Паведамляецца, што яго пазбавілі належнай мэдыцынскай дапамогі, нягледзячы на незваротную інваліднасьць, атрыманую ў выніку яго ўтрыманьня пад вартай.
ГЛЯДЗІЦЕ ТАКСАМА:
Палітвязень Вацлаў Арэшка сустрэў за кратамі 71-ы дзень нараджэньня. Калядную паштоўку яму візуальна апісвалі іншыяСпэцдакладчыкі ААН заклікалі беларускія ўлады неадкладна забясьпечыць доступ хворых палітвязьняў да незалежнай мэдыцынскай дапамогі і разгледзець магчымасьць іх гуманітарнага вызваленьня.
Экспэрты выказалі асаблівую занепакоенасьць у сувязі з затрыманьнем Аляксандры Пуліновіч, якой на момант арышту было ўсяго 16 гадоў, у сувязі з так званай справай «Чорных салаўёў». Як сьцвярджаецца, яна падвяргалася жорсткаму абыходжаньню падчас допытаў, доўгі час утрымлівалася ў адзіночнай камэры ў нечалавечых умовах, а затым была асуджаная да больш чым 10 гадоў турэмнага зьняволеньня па абвінавачваньні ў «тэрарызьме» і «экстрэмізьме».
ГЛЯДЗІЦЕ ТАКСАМА:
У 2025 годзе паводле палітычных абвінавачаньняў асудзілі ня менш за 40 падлеткаўСпэцдакладчыкі ААН заявілі, што яны ўстрывожаныя пастаяннымі паведамленьнямі аб працяглым адзіночным зьняволеньні, утрыманьні без сувязі са зьнешнім сьветам, адмове ў кантактах зь сямʼёй і жорсткіх абмежаваньнях, якія накладаюцца на затрыманых, якіх у Беларусі прызнаюць «экстрэмістамі» або «тэрарыстамі».
Стан здароўя некалькіх затрыманых у пэрыяд утрыманьня пад вартай сурʼёзна пагоршыўся і што некаторым з іх можа быць нанесены незваротны шкоду, калі ня будзе наданая тэрміновая мэдыцынская дапамога.
ГЛЯДЗІЦЕ ТАКСАМА:
МАП заклікаў Менск вярнуць пашпарты Ярашуку і Фядынічу і аднавіць выплату ім пэнсіяў- Групу незалежных экспэртаў у сытуацыі з правамі чалавека ў Беларусі стварыла Рада ў правах чалавека ААН 4 красавіка 2024 году для расьсьледаваньня парушэньняў і ўшчамленьняў правоў чалавека ў Беларусі ў пэрыяд з 1 траўня 2020 году.