Міністры замежных спраў Расеі і Ўкраіны правялі перамовы ў Турэччыне. Падчас брыфінгу міністар замежных спраў Расеі Сяргей Лаўроў зрабіў некалькі заяваў, у тым ліку і пра тое, што «Расея не нападала на Ўкраіну».
Што «адказалі» б украінцы на гэта? Глядзіце ў відэа.
Адразу пасьля перамоваў у Антальлі расейцы аднавілі абстрэлы Марыюпалю. У горадзе ўшчэнт разьбітыя будынкі, людзі хаваюцца ў падвалах, часта ўжо ня маючы неабходных ежы і пітва.
Марыюпаль пасьля расейскіх абстрэлаў і авіябамбаваньня. ФОТА
У выніку дзеяньняў Расеі ва Ўкраіне гінуць мірныя жыхары, колькасьць якіх падлічыць пакуль немагчыма. Больш за 2 млн чалавек вымушана пакінулі краіну, яшчэ сотні тысяч сталі вымушанымі перасяленцамі. Харкаў страціў як мінімум траціну свайго даваеннага насельніцтва, а Кіеў, паводле словаў мэра Віталя Клічко, амаль палову.
Пры гэтым расейцы працягваюць бамбаваць мірныя гарады Ўкраіны. Раніцай 11 сакавіка адбыліся налёты на Дніпро, Луцк, Івана-Франкоўск і Харкаў.
ГЛЯДЗІЦЕ ТАКСАМА: Авіянапады на Івана-Франкоўск, Дніпро і Луцк, расейскі самалёт упаў у Лунінцы. 16-ы дзень вайны Расеі супраць Украіны ГЛЯДЗІЦЕ ТАКСАМА: Памерлі два беларусы-дальнабойнікі, якія трапілі пад расейскі абстрэл гораду Корасьценя на Жытоміршчыне