Тэлеграм-канал «Белые халаты. News» апублікаваў інфармацыю пра сьмерць пацыенткі ў шпіталі Маладэчна, дзе ў той момант знаходзіўся Лукашэнка. Пра гэта паведамляе прэс-служба Генпракуратуры, называючы старонку мэдыкаў «адным з тэлеграм-каналаў».
Згодна з матэрыяламі справы, нявыяўленая асоба 16 сакавіка «распаўсюдзіла заведама ілжывыя зьвесткі пра абставіны сьмерці жанчыны ў кардыялягічным аддзяленьні Маладачанскай цэнтральнай раённай лякарні», якую ў гэты дзень наведваў Аляксандар Лукашэнка.
Паводле Генпракуратуры, сваякі і мэдычныя работнікі былі «абураныя скажэньнем фактаў і іх тыражаваньнем», а таму зьвярнуліся ў праваахоўныя органы з просьбамі разабрацца ў тым, што здарылася, і даць прававую ацэнку «цынічнаму ўчынку».
ГЛЯДЗІЦЕ ТАКСАМА: Кобрынца, які зьвяртаўся да Лукашэнкі, зьмясьцілі ў ЛТПКрымінальную справу пачалі па артыкуле 188 (паклёп) Крымінальнага кодэксу Беларусі. Справай займаецца Сьледчы камітэт.
16 сакавіка тэлеграм-канал «Белые халаты. News» апублікаваў інфармацыю са спасылкай адразу на некалькі сваіх крыніц, што ў лякарні ў Маладэчне сканала пацыентка, да якой нібыта не прапусьцілі мэдычную дапамогу ахоўнікі Лукашэнкі. У наступныя дні канал апублікаваў падрабязнасьці трагічнага здарэньня, напісаўшы, што атрымаў дэталі ад мэдыкаў самой лякарні.
ГЛЯДЗІЦЕ ТАКСАМА: Мэдыкі аб’ядналіся ў арганізацыю «Панацэя», якая ўвайшла ў Свабодны прафсаюз Беларускі ГЛЯДЗІЦЕ ТАКСАМА: У віцебскую лякарню пасьля інфармацыі аб адключэньні кіслароду прыехалі сьледчыя ГЛЯДЗІЦЕ ТАКСАМА: Мінздароўя Беларусі адрэагавала на зьвесткі пра зьмяншэньне колькасьці мэдычных работнікаў