Былы начальнік упраўленьня інфармацыі галоўнага ўпраўленьня ідэалягічнай работы Міністэрства абароны Рэспублікі Беларусь Уладзімер Макараў пацьвердзіў «Нашай ніве», што пакінуў пасаду 31 сакавіка.
Макараў, які выконваў функцыю прэс-сакратара Мінабароны, сьцьвярджае, што «перайшоў на больш высокую пасаду».
На якую, не ўдакладняецца. Афіцыйнага паведамленьня пра звальненьне не было, а цяперашняя прэс-сакратарка Мінабароны Натальля Гаўрусік заявіла, што Макарава вызвалілі ад пасады «ў сувязі з дасягненьнем гранічнага ўзросту знаходжаньня на дзяржслужбе».
«Наша ніва» са спасылкай на ўласныя крыніцы сьцьвярджае, што Макараў будзе працаваць журналістам у часопісе «ВПК. Беларусь».
ГЛЯДЗІЦЕ ТАКСАМА: Чаму дзяржаўная газэта надрукавала артыкул «Курапаты — нахабная хлусьня „сьвядомых“»? ГЛЯДЗІЦЕ ТАКСАМА: «Калі вы такія разумныя, то чаму шыхтом ня ходзіце?» ГЛЯДЗІЦЕ ТАКСАМА: Хрыстос, Лукашэнка і «лібэроіды»: 7 цытатаў палкоўніка Макарава