Актывіст анархісцкага руху Вячаслаў Касінераў паведаміў на Facebook, што анархіста Мікіту Емяльянава зьмясьцілі ў карцар. Ён быў асуджаны на 7 гадоў турмы за кіданьне фарбы ў Менскі гарадзкі суд і бутэлькі гаручай вадкасьці ў дзьверы СІЗА на Валадарскага і прызнаны палітвязьнем.
ГЛЯДЗІЦЕ ТАКСАМА:
«Ні аб чым не шкадую», — асуджаны на 7 гадоў анархіст ЕмяльянаўГЛЯДЗІЦЕ ТАКСАМА:
Сын сьледчай і міліцыянта. Анархіст Емяльянаў, якога вінавацяць у нападзе на «Валадарку», прызнаў віну частковаПаводле Касінерава, Мікіта Емяльянаў будзе ў карцары да апэляцыйнага суду, які мае пачацца 27 сакавіка а 10-й гадзіне ў будынку Менскага гарадзкога суду.
24 сакавіка Емяльянаву споўнілася 20 гадоў. Касінераў лічыць, што ізаляцыя Емяльянава гэта вынік «нязломнай пазыцыі» зьняволенага ў ягонай справе, «шырокай падтрымкі таварышаў і неабыякавых», а таксама спробы сям’і зьняволенага трапіць да яго на спатканьне (сьцьвярджаецца, што адміністрацыя жодзінскай турмы ігнаруе запыты на спатканьні).
Емяльянаву заклікаюць дапамагчы грашыма, а таксама адпраўляць яму лісты — або папяровыя ў жодзінскую Сьледчую турму №8 (222160, Жодзіна, вул. Савецкая, 22а), або праз сайт письмо.бел.