Сустаршыня Беларускай хрысьціянскай дэмакратыі Павел Севярынец падаў заяўку на ўдзел у праймэрыз па выбары адзінага кандыдата ад апазыцыі для ўдзелу ў прэзыдэнцкіх выбарах 2020 году, паведаміў сайт БХД.
Раней палітык казаў, што апазыцыя павінна ўдзельнічаць у выбарах, але ў яе павінны быць умовы, пры якіх яна пойдзе на байкот: адмова ў рэгістрацыі адзінага кандыдата і рэпрэсіі.
Прыём заявак на на ўдзел у праймэрыз заканчваецца ўвечары 16 лютага. Пасьля гэтага будзе галасаваньне ў інтэрнэце. Адзінага кандыдата апазыцыя мае назваць да канца траўня.
ГЛЯДЗІЦЕ ТАКСАМА: Канапацкая заявіла пра жаданьне стаць адзіным кандыдатам ад апазыцыі. Хто яшчэ?Пра ўдзел у праймерыз, акрамя Севярынца, ужо заявілі:
- экс-дэпутатка Палаты прадстаўнікоў Ганна Канапацкая,
- старшыня АГП Мікалай Казлоў,
- кіраўнік руху «За свабоду» Юрась Губарэвіч,
- намесьнік старшыні партыі БНФ Аляксей Янукевіч,
- актывістка БХД Вольга Кавалькова.
Ня выключылі свайго ўдзелу старшыня БКДП Аляксандар Ярашук, кіраўнік партыі «Зялёныя» Дзьмітры Кучук, блогер Сяргей Ціханоўскі.
ГЛЯДЗІЦЕ ТАКСАМА: Як падаць заяўку на выбары адзінага кандыдата ад апазыцыіПра прэзыдэнцкія амбіцыі ў абыход праймэрыз заяўлялі кіраўнік «Народнай грамады» Мікола Статкевіч, сустаршыня «Гавары праўду» Тацяна Караткевіч, кіраўнік БСДГ Сяргей Чэрачань, старшыня ЛДПБ Алег Гайдукевіч. Не зьбіраецца сыходзіць на пэнсію і дзейны кіраўнік Беларусі Аляксандар Лукашэнка.
Згодна з правіламі ўдзелу ў праймэрыз, кожны прэтэндэнт павінен зрабіць унёсак у 500 эўра і выступаць за:
- за незалежнасьць Беларусі,
- супраць дыктатуры,
- за абарону сацыяльных і эканамічных правоў грамадзянаў,
- за выхад з АДКБ і дамовы аб «Саюзнай дзяржаве» Беларусі і Расеі,
- за вывад замежных вайсковых аб’ектаў зь Беларусі,
- за разьвіцьцё беларускай мовы і культуры,
- за добрасуседзкія і раўнапраўныя адносіны з Эўразьвязам, ЗША, Расеяй і іншымі краінамі,
- супраць умяшаньня зьнешніх сілаў ва ўнутраныя справы Беларусі.
Згодна з разьлікамі Цэнтарвыбаркаму, прэзыдэнцкія выбары пройдуць сёлета не пазьней за 30 жніўня.
ГЛЯДЗІЦЕ ТАКСАМА: Статкевіч патлумачыў, чаму ня ўдзельнічае ў праймэрыз апазыцыі і назваў свайго фаварыта ГЛЯДЗІЦЕ ТАКСАМА: Апазыцыя і прэзыдэнцкія выбары. Што лепш за праймэрыз? ГЛЯДЗІЦЕ ТАКСАМА: Ня факт, што адзінага кандыдата ад апазыцыі зарэгіструюць, — Быкоўскі ГЛЯДЗІЦЕ ТАКСАМА: Якія пытаньні выклікае ідэя апазыцыі вызначыць адзінага кандыдата шляхам праймэрыз?