Масква адмовіла ў пасадцы нямецкаму самалёту з грамадзянамі Германіі і іншых краін, эвакуяваных з Кітая праз каронавірус. Пра гэта паведаміла міністр абароны ФРГ Аннегрэт Крамп-Карэнбауэр ў суботу, 1 лютага. Масква спаслалася на «недахоп рэсурсаў» у сваіх аэрапортах, патлумачыла Крамп-Карренбауэр, адзначыўшы, што Мінабароны і МЗС ФРГ маюць намер у бліжэйшы час высьветліць, ці былі іншыя прычыны для адмовы. Пра гэта паведаміла «Нямецкая хваля».
"В чем причины отказа, помимо официального объяснения “нехватка ресурсов в московском аэропорту”?" Министр обороны ФРГ прокомментировала решение Москвы не пускать немецкий самолет на дозаправку. pic.twitter.com/rLrvG0ba6K
— DW на русском (@dw_russian) February 1, 2020
Самалёт бундэсвэра Airbus A310 з больш чым 120 грамадзянамі Германіі і іншых краін на борце вылецеў з Уханя ў Франкфурт-на-Майне раніцай 1 лютага. Па словах кіраўніка Мінабароны ФРГ, Расея дазволіла пралёт над сваёй тэрыторыяй і абяцала дазволіць пасадку ў адным з аэрапортаў для дазапраўкі і зьмены экіпажа. Аднак калі нямецкі самалёт ужо быў над тэрыторыяй Расеі, дазвол на дазапраўку ў Маскве быў нечакана скасаваны. Самалёт накіраваўся ў Хельсінкі, адкуль, пасьля дазапраўкі, вылецеў у Франкфурт-на-Майне.
Update #coronavirus: Der #A310 vom #Team_Luftwaffe fliegt laut derzeitiger Planung mit 29 Personen an Bord (Piloten, Fliegerarzt, Sanitäter, Ladungsmeister, Techniker, Feldjäger und Mitgliedern des Krisenunterstützungsteam) nach Wuhan und über Moskau zurück nach Frankfurt. pic.twitter.com/H6iiH93RQZ
— Team_Luftwaffe (@Team_Luftwaffe) January 31, 2020
У інтэрв’ю інфармагенцтву DPA намесьнік старшыні фракцыі ХДС/ХСС у Бундэстагу Ёхан Вадэпуль назваў дзеянні расейскіх уладаў «недружалюбным актам, які не павінен паўтарыцца». Адмова пасадкі самалёта нямецкіх ВПС была «відавочна важней, чым гатоўнасьць дапамагчы людзям, якія апынуліся ў бядзе», падзяліўся сваім меркаваньнем прадстаўнік кіруючай кааліцыі Ёхан Вадепуль.
ГЛЯДЗІЦЕ ТАКСАМА: «Кітайскія студэнты будуць пад пільным наглядам». Беларускія мэдыкі расказалі, як засьцерагчыся ад каранавірусу