Цела 55-гадовага мужчыны з агнястрэльным раненьнем знайшлі ноччу 14 студзеня ў Горадзенскім раёне.
Як паведамляе Сьледчы камітэт, цела 55-гадовага мужчыны з агнястрэльным раненьнем знайшлі ноччу 15 студзеня ў Горадзенскім раёне.
Сьледча-апэратыўная група агледзела месца здарэньня, адабрала прадметы і аб’екты, па якіх плянуюць прызначыць шэраг дасьледаваньняў.
Вядзецца крымінальная справа.
Міліцыя шукае забойцу.
На месцы працуюць найбольш дасьведчаныя супрацоўнікі цэнтральнага апарату Сьледчага камітэту.
Паводле жыхароў суседніх зь месцам забойства дамоў, забіты — вядомы ў Горадні прадпрымальнік Аляксандар Прасьняк. Ён быў адным з заснавальнікаў пальчаткавай фабрыкі «Акцэнт». Яго застрэлілі проста ў машыне, калі ён падʼехаў да свайго дому.
ГЛЯДЗІЦЕ ТАКСАМА: За жорсткае забойства настаўніцы ў Чэрыкаве двух братоў асудзілі на расстрэл