Памочнік старшыні асацыяцыі вэтэранаў спэцпадразьдзяленьняў «Гонар» Дзьмітрыя Паўлічэнкі Сяргей Матвіенка заявіў Свабодзе, што яго арганізацыя не зьвярталася да кіраўніка Беларусі па дазвол правесьці прэс-канфэрэнцыю з нагоды інтэрвію Юрыя Гараўскага.
У размове са Свабодай Сяргей Матвіенка паведаміў, што першы раз чуе імя меркаванага аўтара такога звароту Ігара Парэчына, а таксама сьцьвердзіў, што Парэчын ня ёсьць сябрам арганізацыі. Таксама Матвіенка патлумачыў сваё стаўленьне да заяваў Юрыя Гараўскага.
ГЛЯДЗІЦЕ ТАКСАМА: Што былы спэцназавец расказаў пра забойствы апанэнтаў Лукашэнкі. Сьцісла«Асабіста я не знаёмы з Юрыем Гараўскім, — сказаў у размове са Свабодай Сяргей Матвіенка. — Я інфармацыю цяпер атрымліваю гэтаксама як вы, з інтэрнэту. Чытаю і дзіву даюся. Гісторыя паўтараецца. Усё, што было напісана раней, зараз было пераказана. Мне незразумелыя дзеяньні гэтых людзей».
ГЛЯДЗІЦЕ ТАКСАМА: «Думаю, Юра зрабіў гэта за грошы». Знаёмы Гараўскага перакананы, што інтэрвію пра зьніклых палітыкаў ня можа быць праўдайАтрымаць камэнтар непасрэдна ў Дзьмітрыя Паўлічэнкі на гэты момант немагчыма, ён афіцыйна знаходзіцца ў камандзіроўцы разам з намесьнікам. У асацыяцыі Свабодзе паведамілі, што «усе неабходныя на дадзены момант заявы ўжо былі зробленыя раней».
ГЛЯДЗІЦЕ ТАКСАМА: Паўлічэнка адказаў на абвінавачаньне ў забойстве апанэнтаў ЛукашэнкіТаксама Сяргей Матвіенка пацьвердзіў, што на апублікаваным выданьнем «Беларусь Сегодня» здымку з выступу Дзьмірыя Паўлічэнкі перад сябрамі асацыяцыі «Гонар» насамрэч знаходзіцца Юры Гараўскі.
«Я бачыў гэты фатаздымак таксама, там ёсьць Гараўскі, — пацьвердзіў Сяргей Матвіенка. – Гэта было агучана, што ён некалі служыў. На такое мерапрыемства можа хто заўгодна прыйсьці. Вы што, думаеце, там па сьпісах? Ёсьць пэўная падзея. Засьвяціць свой твар можа хто заўгодна. Калі нават і недзе спатыкаўся, нешта было ў жыцьці ў чалавека, то чаму не. Хаця я таксама ўсё ведаю толькі са СМІ».
ГЛЯДЗІЦЕ ТАКСАМА: Ад «яму можна верыць» да «расейскага ўкіду». Рэакцыі на сэнсацыйнае прызнаньне ў забойстве апазыцыянэраў ГЛЯДЗІЦЕ ТАКСАМА: Як выглядае месца магчымага забойства Ганчара і Красоўскага пад Бегамляй. ФОТА