Расейскі тэлеканала НТВ заявіў аб запуску шоў з абраным прэзыдэнтам Украіны Ўладзімірам Зяленскім. Праграма называецца «Магія», яна была запісаная яшчэ ў 2011 годзе. Разам зь Зяленскім тэлешоў вядзе расейская акторка і вядучая Тацяна Лазарава.
«Нядаўна абраны прэзыдэнт Уладзімір Зяленскі заўсёды разьбіраўся ў фокусах», — гаворыцца ў анонсе новай праграмы НТВ. Як адзначае расейскае выданьне «Коммерсантъ», стварэньнем шоў займалася кампанія «ВайТ Медиа» для тэлеканала «Россия 1». У эфіры НТВ праграма выйдзе 3 траўня.
Шоўмэн Уладзімір Зяленскі стаў прэзыдэнтам Украіны па выніках другога тура выбараў. Ён набраў больш за 73 працэнтаў галасоў. Яго апанэнт — дзейны прэзыдэнт Пятро Парашэнка — атрымаў 24 з паловай працэнты.