ЗША і Эўрапейскі Зьвяз працягнуць падтрымку Ўкраіны незалежна ад таго, хто пераможа на прэзыдэнцкіх выбарах, другі тур якіх заплянаваны на 21 красавіка, заявілі амбасадарка ЗША ва Ўкраіне Мары Ёванавіч і кіраўнік прадстаўніцтва ЭЗ ва Ўкраіне Юг Мінгарэлі.
«Мы працягнем падтрымліваць украінскі народ, хто б ні выйграў выбары, для садзейнічаньня дэмакратызацыі, мадэрнізацыі краіны і руху ў кірунку Эўрапейскага Зьвязу», — заявіў Мінгарэлі.
«Урад ЗША будзе працягваць супрацоўнічаць зь любым кандыдатам, якога абяруць украінцы. Мы будзем працягваць працаваць над тымі рэчамі, якія важныя і для ўкраінскага народа, і для ЗША, а менавіта: пасьпяховае вырашэньне канфлікту на ўсходзе, квітнеючая эканоміка і павага ўрадам усіх грамадзянаў у адпаведнасьці з законам», — сказала Ёванавіч.
ГЛЯДЗІЦЕ ТАКСАМА: Парашэнка: Я рабіў памылкі, але мне ня сорамна за гэтыя 5 гадоў. Як глядзець дэбатыЯны выступалі 19 красавіка перад назіральнікамі ў другім туры прэзыдэнцкіх выбараў ва Ўкраіне.
ГЛЯДЗІЦЕ ТАКСАМА: Зяленскі рассакрэціў сваю каманду. Абяцаў прызначаць толькі пасьля праверкі ў СБУПрадстаўнікі ЭЗ і ЗША таксама выказалі надзею на тое, што другі тур галасаваньня пройдзе спакойна і без парушэньняў.
Другі тур выбараў прэзыдэнта пройдзе 21 красавіка. У ім будуць спаборнічаць дзеючы кіраўнік дзяржавы Пятро Парашэнка і шоўмэн Уладзімір Зяленскі.
19 красавіка адбудуцца дэбаты кандыдатаў на НСК «Алімпійскі».