Ганна Канапацкая патрабуе ад Міністэрства лясной гаспадаркі і Міністэрства культуры паказаць дакумэнты, якія пацьвярджаюць законнасьць работ у Курапатах, паведамляе БелаПАН.
Пісьмовыя дэпутацкія запыты дэпутатка накіравала 5 красавіка міністрам лясной гаспадаркі Віталю Дрожжу і культуры Юрыю Бондару.
ГЛЯДЗІЦЕ ТАКСАМА: Дэпутат пра Курапаты: Загад ідзе з найвышэйшых кабінэтаў
У сваім звароце ў Мінлясгас Ганна Канапацкая просіць міністра даць зьвесткі пра заказчыка работ, аб’ём і тэрміны іх правядзеньня.
Усталяваньне агароджы пасьля дэмантажу крыжоў у мэмарыяльным комплексе Курапаты
Таксама дэпутатка цікавіцца, якія дакумэнты пацьвярджаюць выкананьне заказчыкам патрабаваньняў Дзяржаўнай інспэкцыі па ахове гісторыка-культурнай спадчыны.
ГЛЯДЗІЦЕ ТАКСАМА: Ніну Багінскую і Паўла Севярынца зноў затрымалі ў КурапатахУ міністра культуры дэпутатка запытвае дакумэнты, якія могуць пацьвердзіць патрабаваньні дзяржінспэкцыі ў пляне выкананьня закону аб ахове гісторыка-культурнай спадчыны.
ГЛЯДЗІЦЕ ТАКСАМА: Міністар замежных справаў Польшчы: зьнішчэньне крыжоў у Курапатах — дрэнны сыгнал
4 красавіка ў Курапатах зьнесьлі пры дапамозе будаўнічай тэхнікі 70 крыжоў па пэрымэтры мэмарыялу. Гэта выклікала абурэньне грамадзкасьці і прадстаўнікоў духавенства ў Беларусі.
Крыжовы ход шлях, малітва ў Курапатах
На месцы міліцыя затрымала 15 актывістаў. 5 красавіка вакол Курапат усталёўваюць агароджу, міліцыя затрымала актывістаў Паўла Севярынца і Ніну Багінскую.