Амэрыканскі пісьменьнік Стывен Кінг сумесна з ПЭН-цэнтрам ЗША выступіў у падтрымку ўкраінскага рэжысёра Алега Сянцова, які быў асуджаны ў Расеі па абвінавачваньні ў тэрарызме.
У сябе ў твітэры аўтар дзясяткаў бэстсэлераў заклікаў падпісаць зварот да прэзыдэнта Расеі Ўладзіміра Пуціна з патрабаваньнем вызваліць Сянцова, які працягвае трымаць галадоўку.
Today is day 1 of the @FIFAWorldCup and day 32 of Oleg Sentsov%27s hunger strike. Join me and @penamerican in calling for the release of this Ukrainian filmmaker unjustly imprisoned in Russia. Time is running out, and he may die for his views #FreeSentsov https://t.co/uViLsbo2N5
— Stephen King (@StephenKing) June 14, 2018
У пэтыцыі падкрэсьліваецца, што сытуацыя з Алегам Сянцовым толькі прыцягне ўвагу да несправядлівага палітычнага перасьледу ў Расеі, якая зараз прымае чэмпіянат сьвету па футболе. Вызваленьне Сянцова можа стаць «моцным жэстам» з боку Пуціна, гаворыцца ў заяве.
Раней вызваліць Сянцова заклікалі грамадзкія арганізацыі, грамадзянскія актывісты і палітыкі ў многіх краінах сьвету, уключаючы ЗША. За апошні месяц розныя акцыі ў падтрымку Алега Сянцова праходзілі амаль кожны дзень.