Лінкі ўнівэрсальнага доступу

Расейская акторка Хаматава падтрымала зьняволенага ўкраінскага рэжысэра Сянцова, які трымае галадоўку


Чулпан Хаматава
Чулпан Хаматава

Расейская акторка Чулпан Хаматава выказала словы падтрымкі на адрас мастацкага кіраўніка маскоўскага тэатру «Гогаль-цэнтар» Кірыла Сярэбранікава і ўкраінскага рэжысэра Алега Сянцова.

Выступаючы на адкрыцьці Х міжнароднага кінафэстывалю «Ад усёй душы» ў расейскім горадзе Ульянаўску, Хаматава назвала абвінавачваньні супраць рэжысэраў сфальшаванымі. Яна пажадала Сярэбранікаву і Сянцову хутчэй апынуцца на волі. Гэтыя словы яна прамовіла адразу пасьля таго, як ёй быў уручаны прыз фэстывалю «За гонар і годнасmць».

Актор тэатру і кіно Веніямін Сьмехаў, які выступіў у завяршэньне вечару, падтрымаў Хаматаву. Ён нагадаў, што працаваў з Сярэбранікавым.

Алег Сянцоў у судзе ў жніўні 2015 году
Алег Сянцоў у судзе ў жніўні 2015 году

Украінскі рэжысэр Алег Сянцоў і актывіст Аляксандр Кольчанка былі арыштаваныя ў анэксаваным Расеяй Крыме ў траўні 2014 году і асуджаныя паводле абвінавачваньняў у падрыхтоўцы тэрактаў — Сянцоў да 20, Кольчанка да 10 гадоў пазбаўленьня волі. Сянцоў і Кольчанка адпрэчваюць абвінавачваньні. 14 траўня Сянцоў абвясьціў бестэрміновую галадоўку. Ён патрабуе вызваленьня ўсіх украінскіх палітвязьняў з расейскіх турмаў.

Кірыл Сярэбранікаў у маскоўскім судзе 21 траўня 2018 году
Кірыл Сярэбранікаў у маскоўскім судзе 21 траўня 2018 году

Мастацкі кіраўнік «Гогаль-цэнтру» Кірыл Сярэбранікаў быў затрыманы ў Маскве ў канцы жніўня 2017 году. Яго вінавацяць у крадзяжы 130 мільёнаў рублёў, выдзеленых для тэатральнай трупы «Сёмая студыя». Па гэтай справе таксама праходзяць былы дырэктар «Гогаль-цэнтру» Аляксей Малабродзкі, дырэктар «Сёмай студыі» Юрый Іцін, прадусарка Кацярына Воранава і былая бухгальтарка Ніна Масьляева. Усе, акрамя Масьляевай, сваёй віны не прызнаюць.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG