Гэтая спасылка працуе нават там, дзе наш сайт заблякаваны
Беларускі гісторык Ігар Мельнікаў падрыхтаваў да выданьня кнігу «Забыты корпус. Гісторыя польскага войска на Бабруйшчыне ў 1918, 1919–1920 г».
Замовіць кнігу можна за 70 рублёў праз сайт Talaka.by, дзе ідзе збор сродкаў на выданьне (усяго трэба сабраць 10 тысяч рублёў).
Як піша гісторык, пра фармаваньне польскага войска ў Беларусі ў 1918 годзе амаль нічога не было вядома, гісторыя «мяцяжу корпусу Доўбар-Мусьніцкага» ў беларускай гістарыяграфіі амаль ня вывучаная.
Кніга апіша лёс польскіх часьцей у войску Расейскай імпэрыі ў Першую ўсясьветную вайну, фармаваньне Першага польскага корпусу і лёс Бабруйска і Бабруйскай крэпасьці ў тыя дні, вайну Польшчы з бальшавікамі ў 1919–1920 гадах, асобна распавядзе пра выбітных асобаў Першага польскага корпусу.
Мельнікаў асобна адзначае, што ў кнізе пойдзе гаворка пра Беларускую Народную Рэспубліку, яе стаўленьне да войска Доўбар-Мусьніцкага і стаўленьне камандаваньня Першага польскага корпусу да лёсу беларусаў і іхнай краіны. Аўтар таксама зьвяртае ўвагу на тое, што знаходжаньне на Бабруйшчыне Першага польскага корпусу ў 1918 годзе і акупацыя Бабруйшчыны польскімі войскамі ў 1919–1920 гадах – «зусім розныя гістарычныя сюжэты».
Ігар Мельнікаў, архіўнае фота
Мельнікаў выдаў багата кнігаў пра беларусаў у міжваенны час і беларускіх вайскоўцаў у Другой усясьветнай вайне. Толькі ў 2017 годзе ён апублікаваў кнігі «Забытыя героі» і «Адысея палешука», альбом «Мяжа была пад Менскам. 1921–1941 гг.», а таксама кнігу пра 20-ю «беларускую» дывізію пяхоты Войска Польскага ў сэрыі «Вялікая кніга пяхоты польскай» на польскай мове.
У Менску адкрылася выстава пра беларускіх афіцэраў 1-га Польскага корпусу
1/7
Пра Першы польскі корпус, што быў утвораны ў 1917 годзе ў Расейскай імпэрыі з жыхароў Паўночна-Заходняга краю , у Беларусі няма ні кніг, ні абароненых дысэртацыяў. У студзені 1918-га корпус заняў Бабруйскую крэпасьць у баях з Чырвонай гвардыяй.
Да 4 верасьня ў менскім Нацыянальным гістарычным музэі будзе працаваць выстава пра гісторыю Першага польскага корпусу ў Беларусі і Бабруйскай крэпасьці, а таксама беларускіх афіцэраў польскага войска.
Гэтая спасылка працуе нават там, дзе наш сайт заблякаваны
2/7
Гісторыя корпусу была кароткай — у траўні 1918 году корпус быў абяззброены немцамі, салдаты зьехалі ў Варшаву. Але вайскоўцы корпусу выканалі там важную ролю ў заваяваньні незалежнасьці Польшчы. Некаторыя пасьля ваявалі і ў Другой усясьветнай вайне. Пра гісторыю корпусу на адкрыцьці выставы распавядаў амбасадар Польшчы ў Беларусі Конрад Паўлік.
Да 4 верасьня ў менскім Нацыянальным гістарычным музэі будзе працаваць выстава пра гісторыю Першага польскага корпусу ў Беларусі і Бабруйскай крэпасьці, а таксама беларускіх афіцэраў польскага войска.
Гэтая спасылка працуе нават там, дзе наш сайт заблякаваны
3/7
Адным з афіцэраў корпусу ў Бабруйскай крэпасьці быў камандзер інжынэрных частак корпусу Ян Скарына — «нашчадак Францішка Скарыны», як падкрэсьліваў ягоны сын у размове з адным з аўтараў выставы, беларускім гісторыкам Ігарам Мельнікавым. Са Скарынам служыў будучы кіраўнік вялікапольскага паўстаньня Юзэф Доўбар-Мусьніцкі. На выставе дэманструюць у тым ліку здымак Доўбара-Мусьніцкага, які ён падарыў Яну Скарыну.
Да 4 верасьня ў менскім Нацыянальным гістарычным музэі будзе працаваць выстава пра гісторыю Першага польскага корпусу ў Беларусі і Бабруйскай крэпасьці, а таксама беларускіх афіцэраў польскага войска.
Гэтая спасылка працуе нават там, дзе наш сайт заблякаваны
4/7
Выстава распавядае і пра Ўладзіслава Андэрса, які пазьней камандаваў Польскім войскам у СССР, і пра Канстантына Плісоўскага, які змагаўся з нацыстамі і камандаваў абаронай Берасьцейскай крэпасьці ў верасьні 1939 году, і пра Бабруйскую крэпасьць, якая сёньня ў заняпадзе, але якую называюць «унікальным аб’ектам у сэнсе культуры, гісторыі і турызму».
Да 4 верасьня ў менскім Нацыянальным гістарычным музэі будзе працаваць выстава пра гісторыю Першага польскага корпусу ў Беларусі і Бабруйскай крэпасьці, а таксама беларускіх афіцэраў польскага войска.
Гэтая спасылка працуе нават там, дзе наш сайт заблякаваны
5/7
Упершыню ў Беларусі паказаная форма афіцэра і звычайнага жаўнера Першага Польскага корпусу — яе адмыслова для выставы падрыхтаваў Мельнікаў. Гісторык сабраў нямала зьвестак пра беларусаў у замежных вайсковых фармаваньнях і напісаў пра іх шэраг кніг, а таксама выдаў «Адысэю Палешука» — кнігу, складзеную з нататак беларускага жаўнера Другога польскага корпусу Арміі Андэрса Паўла Нічыпарука.
Да 4 верасьня ў менскім Нацыянальным гістарычным музэі будзе працаваць выстава пра гісторыю Першага польскага корпусу ў Беларусі і Бабруйскай крэпасьці, а таксама беларускіх афіцэраў польскага войска.
Да 4 верасьня ў менскім Нацыянальным гістарычным музэі будзе працаваць выстава пра гісторыю Першага польскага корпусу ў Беларусі і Бабруйскай крэпасьці, а таксама беларускіх афіцэраў польскага войска.
Гэтая спасылка працуе нават там, дзе наш сайт заблякаваны
7/7
Як і на выставе «Беларусы ў Войску Польскім», што Мельнікаў ладзіў тут жа год таму, ня ўсім ахвочым хапіла месцы ў пакоі ў часе адкрыцьця. Арганізатары выставы выказвалі спадзяваньне, што гэта толькі пачатак як вывучэньня тэмы беларусаў у Першым польскім корпусе, так і дасьледаваньня малавядомых старонак міжваеннай гісторыі Беларусі.
Да 4 верасьня ў менскім Нацыянальным гістарычным музэі будзе працаваць выстава пра гісторыю Першага польскага корпусу ў Беларусі і Бабруйскай крэпасьці, а таксама беларускіх афіцэраў польскага войска.
