Лінкі ўнівэрсальнага доступу

«Бязьвіз» пачаўся. 5 тэкстаў пра 5-дзённы бязьвізавы рэжым


Ад 12 лютага грамадзяне больш як 80 краінаў сьвету могуць быць у Беларусі да 5 дзён бязь візы, калі прыляцелі ў краіну праз нацыянальны аэрапорт «Менск». У ліку краінаў, для якіх уведзены «бязьвіз», увесь Эўразьвяз, ЗША, Канада, Японія, Паўднёвая Карэя, Бразылія і шэраг экзатычных краінаў.

Міністар замежных справаў Уладзімер Макей заяўляў, што Беларусь нават «будзе думаць над тым, каб прапанаваць больш доўгае знаходжаньне замежнікаў у нашай краіне», калі 5-дзённы бязьвізавы рэжым будзе пасьпяховым. Але паводле расейскіх СМІ, беларускі «бязьвіз» выклікаў нэгатыўную рэакцыю Крамля: кажуць, нібы менавіта празь «бязьвіз» Расея ўвяла зь Беларусьсю памежную зону.

Што такое гэты «бязьвіз» і навошта ён? Тлумачым пяцьцю тэкстамі.

12 пытаньняў пра беларускі бязьвізавы рэжым для замежнікаў

На каго распаўсюджваецца ўказ? Зь якімі дакумэнтамі павінен ехаць у Беларусь замежны грамадзянін? Ці ёсьць абмежаваньні па колькасьці паездак у год? Ці можна прыляцець у аэрапорт Менску, а выехаць цягніком ці аўтамабільным транспартам? Ці можна вяртацца праз Расею? Ці можна прыехаць бязь візы, а пасьля з прычыны нейкіх форс-мажорных акалічнасьцяў працягнуць перабываньне ў Беларусі? Што рабіць, калі замежнік губляе дакумэнты?

Пра гэта і іншае ў падрабязным разборы Свабоды.

Пяцідзённы маршрут для іншаземцаў ад рэдактара «Плянэты Беларусь»

Пяць дзён — відавочна мала, каб аб’ехаць усё-ўсё цікавае ў Беларусі. Таму замежным турыстам давядзецца абіраць сабе маршруты па самых цікавых мясьцінах. Англамоўныя турыстычныя сайты прапануюць замежніку Берасьцейскую крэпасьць, Мір, Нясьвіж, Хатынь і Менск. Альтэрнатыўны 5-дзённы маршрут для чытачоў Свабоды склаў фатограф, выдавец, рэдактар турыстычнага парталу planetabelarus.by Сяргей Плыткевіч.

На Палесьсі. Фота Сяргея Плыткевіча
На Палесьсі. Фота Сяргея Плыткевіча

«Паглядзіце, які фурор зрабіла Альбанія. Здавалася б, а што там глядзець. А гэта неверагодна цікавая краіна. Беларусь на сёньняшні момант таксама Terra Incognitа. У нашай краіны вельмі цікавы лёс і менавіта гэта можа прыцягнуць сюды турыстаў», — кажа Плыткевіч.

«Пытаньне ня ў візах, а ў тым, што сьвет мала ведае пра Беларусь»

Турапэратары, тым ня меней, не чакаюць велізарнага патоку турыстаў у Беларусь. Чаму так і на каго разьлічаны тады «бязьвіз» — абмяркоўваюць Валер Карбалевіч, Алег Грузьдзіловіч і Юры Дракахруст.

Ёсьць тэкст, а ёсьць аўдыё, калі зручней слухаць, а не чытаць.

Досьвед «бязьвізу» Украіны, які хоча паўтарыць Беларусь

Хоць прадстаўнік МЗС Беларусі кажа, што Беларусь не разьлічвае на тое, што суседзі з Эўразьвязу зробяць сустрэчныя крокі ў пытаньні кароткатэрміновых паездак бязь візаў, можна асьцярожна спадзявацца, што Беларусь пойдзе па «бязьвізавым» шляху Ўкраіны.

Што рабілі паўднёвыя суседзі Беларусі, каб наблізіцца да атрыманьня «бязьвізу ў адказ» ад Шэнгенскіх краінаў і як хутка гэта прайшло — у аглядзе Свабоды.

10 рэакцыяў замежных журналістаў на адмену візаў

«Моцны сыгнал адкрыцьця Беларусі на сьвет» і «чарговая нясьмелая спроба адкрыцьця». Свабода паглядзела на рэакцыю патэнцыйных карыстальнікаў «бязьвізу» — замежных журналістаў.

Ваша меркаваньне

Паказаць камэнтары

XS
SM
MD
LG